Gríðarlega íþyngjandi sóttvarnaraðgerðir

Á Akureyri eru 990 einstaklingar í sóttkví og 223 á Húsavík segir í frétt. Alls eru nálægt 2500 einstaklingar í sóttkví og einangrun á Íslandi. Á Norðausturlandi er óskað eftir því að viðburðum, æfingum og félagsstarfi barna og unglinga á grunnskólaaldri sé frestað fram yfir næstu helgi.

Þetta þykir sóttvarnarlækni Íslands ekki vera íþyngjandi. Heilu bæjarfélögin eru í lamasessi af ótta. Einkennalaus og heilbrigð börn eru kölluð smituð og sennilega búið að hræða þau vel og rækilega svo þau sætti sig við innilokun og einangrun. Þau gætu jú smitað ömmu sína og drepið, ekki satt?

Forstjóra BYKO var nóg boðið um daginn og skrifaði reiðipistil sem á skilið að birtast sem víðast (úr frétt DV):

Stífar sóttvarnarreglur sem byggja á smitrakningu, smitgát, sóttkví og einangrun eru svo íþyngjandi að leggja þarf mat á kosti þess og galla, ófyrirséðar afleiðingar hafa fengið lítið sjónarhorn innan þeirra umræðu. Nú er mál að linni og tími til kominn að endurhugsa hlutina upp á nýtt. Við horfum svo oft til nágrannaþjóða okkar sem góðar fyrirmyndir. Við kjósum hins vegar að gera það þegar okkur hentar best eða þegar það hentar okkar málstað. Orð og röksemdarfærsla sóttvarnarlæknis lúta enn að því að fara verður varlega í öllum afléttingum þrátt fyrir að þjóðin er meira eða minna öll bólusett. Hversu lengi getum við haft þau varnaðarorð fyrir framan okkur. Orð eins og „við skulum sjá hvað gerist næstu daga, það á nú eftir að koma í ljós“ dagarnir og mánuðirnir hafa liðið. Skrefið þarf að taka rétt eins og nágrannaþjóðir okkar hafa tekið. Aflétta þessum íþyngjandi takmörkunum sen snúa að sóttkví og einangrun. Ef skoðaðar eru eldri tilkynningar frá sóttvarnarnefnd Landsspítalans t.d. frá árunum 2011, 2012 og 2013 í október og janúar, þá hljóðuðu þær þannig: „28 liggja inni vegna inflúensu, þar af 6 á gjörgæslu, útskrifaður voru 4.

Og hann bætir við um nýlega einangrun hans og fjölskyldu hans:

Hafandi þessar staðreyndir fyrir framan sig, að í 17 daga hafa allir verið hressir án veikinda en þurft að beygja sig undir þessi lög sóttvarna. Að mínu vitu getur þetta ekki gengið mikið lengur með þessum hætti.

Kjarni málsins svo sannarlega og í raun algjör sorgarsaga. Það er kominn tími til að leyfa læknum að vinna vinnuna sína með þeim lyfjum sem þeir telja árangursríkust og hætta að treysta á sprauturnar og grímurnar og lokanirnar sem bitna á heilsu og menntun barna, atvinnu fullorðinna og geðheilsu allra. 

Eða með öðrum orðum: Leyfa fólki að ráða. Sértu logandi hræddur einstaklingur, rækilega mataður af fjölmiðlum, er þér vitaskuld í lófa lagt að sleppa tónleikum, bera grímu, fá þriðju og fjórðu sprautuna, versla á netinu og aflýsa öllum ferðalögum. En aðrir eiga að fá að lifa lífinu - lifandi!

Athugasemdir

[Kristín Inga Þormar, 5.10.2021 kl. 14:03]

Ég las einmitt þennan reiðipistil hans og var sammála hverju einasta orði!

Enn sér maður slatta af fólki með þessar bakteríublautu tuskur fyrir vitunum, þetta blessaða fólk er skíthrætt við einhverja veiru því það er búið að mata það svo rækilega á hræðsluáróðinum.

Þetta sama fólk er líklega bólusett í bak og fyrir, enda hefur mér sýnst það fólk vera hvað veiruhræddast, þrátt fyrir að það sé búið að sprauta það með einhverri "vernd".

[Halldór (IP-tala skráð) 5.10.2021 kl. 15:56]

Ég held að ég hafi aldrei beðið í jafn miklu ofvæni eftir stjórnarskiptun og þá sérstaklega í voninni um að ráðherra sé skipt út, sá ráðherra er Svandís, við bara verðum að fá nýja manneskju í þennan stól, einhvern sem er ekki í svona miklu móðursýkiskasti yfir þessu Kóvíði og einhvern sem sendir þríeykið í langþráð frí(þráin myndi vera frá þjóðinni). 

[Geir Ágústsson, 5.10.2021 kl. 20:10]

Kristín,

Sprauturnar eru engin leið út úr veiruástandi. Þær dala hratt og eru viðkvæmar fyrir afbrigðum. Kannski þetta sé að renna upp fyrir einhverjum. Kannski.

Lesefni með óteljandi tenglum:

https://theconversation.com/5-factors-that-could-dictate-the-success-or-failure-of-the-covid-19-vaccine-rollout-152856

Halldór,

Persónulega vænti ég einskis af stjórnarskiptum. Miklu frekar eru það framlínuhetjur eins og læknir nokkur sem mögulega brjóta hlekkina:

https://www.facebook.com/KalliSnae/posts/3116616448574796

[Halldór (IP-tala skráð) 6.10.2021 kl. 03:52]

Ég er þér hjartanlega sammála Geir, ég á alls ekki von á miklu við stjórnarskiptin en maður lifir samt einhvernvegin alltaf í voninnni þegar hugsunin er kominn á þann stað að "Það gæti ekki hugsanlega verið verra"..

Ég nefnilega held að það væri hvað sem er betra í þessu ráðuneyti en svandís.

Það er bara sorglegt hvað við Íslendingar erum almennt rosalega léleg að standa upp fyrir okkar réttindum.

[Þröstur (IP-tala skráð) 6.10.2021 kl. 10:13]

Sammála skrifum forstjóra Byko og ef hann myndi nú kynna sér betur PCR prófin og hvernig þau hafa aldrei ekki virkað sem skyldi þá yrði hann fyrst reiður.

Sá þessa grein hérna á rt.com https://www.rt.com/usa/536691-ellume-covid-test-recall/

FDA er gríðarlega spillt stofnun og nánast stjórnað af Pfizer en það sem er athyglisvert við þessa frétt er að FDA gefur út aðvörun um hugsanlega false positive útkomu rapid antigen kit prófa vegna galla í framleiðslu. Maður verður að skoða þetta seinna meir og tengja púslin því það er alltaf eitthvað agenda bakvið tjöldin sem maður áttar sig ekki á strax. Annars vill WHO að lönd í heiminum hætti að nota PCR prófin frá og með 31. Des 2021. Enda búið að gera sitt gagn fyrir globalistana.