Bresk rannsókn segir bóluefnin lítið hjálpa sýktum

Samkvæmt nýlegri breskri skýrslu hjálpa bóluefnin ekki sýktum að sigrast á veiru þótt þau geti hjálpað við að forðast sýkingu til að byrja með. Smávegis samantekt og umræða um þetta er á Zerohedge. Þó virðast niðurstöður ýmissa rannsókna stangast á. Eitt er víst: Virkni bóluefna er umdeild.

Zerohedge vísar einnig í frétt frá Ísrael um tilraunalyf sem verið er að gefa þeim sem sýkjast af COVID-19 og virðist virka mjög hratt og vel. En við skulum ekki tala um það né aðrar meðferðir svo neyðarleyfi bóluefnanna komist ekki í uppnám. Tölum frekar um þriðju sprautuna og delta-afbrigði. Á meðan eru milljarðar af fátækasta fólki heims að láta veiruna ganga sín á milli sem mun óumflýjanlega leiða til nýrra afbrigða sem setja síðan allt í spennitreyju í ríku löndunum sem ríghalda í bóluefnin sín sem þó virka ekki endilega á ný afbrigði. Þá þarf að þróa ný bóluefni og byrja upp á nýtt.

Í Sviss hafa einhverjir lögreglumenn gefið út að þeir muni ekki framfylgja íþyngjandi sóttvarnaraðgerðum þvert á vilja almennings. Enska samantekt má lesa hér. 

"If the measures were to oppose the general opinion of the population, restricting their fundamental rights disproportionately, many police officers will no longer be willing to apply them."

Ætli íslenska lögreglan muni einhvern tímann taka sér frí frá gluggagæjum og mynda sér sjálfstæða skoðun á vinnubrögðum sínum?

En aftur að meðferðum: Í Oxford-háskóla hreykja menn sér nú af því að hafa fundið skilvirkar meðferðir [1|2] gegn COVID-19 og segja að þær hafi strax verið teknar í notkun á spítölum þar í landi. Og fleiri lyf í skoðun, þar á meðan ivermectin sem samfélagsmiðlarnir flýta sér að merkja sem snákaolíu. Kannski það, frekar en bóluefnin, hafi stuðlað að því að aftengja spítalainnlagnir og smit í Bretlandi? Og kannski íslenskir læknar hafi fylgst með og beiti nýjustu meðferðum þótt þeir tjái sig lítið sem ekkert um það í fjölmiðlum sem þeir virðast nú samt hafa svo gaman af að tala við?

Nei ég segi svona. Höldum kvíðanum við og hvetjum fólk (og börn!) í sprauturnar ella verður öllu lokað aftur.

Hvetja fólk til að fara í bólusetningu

Athugasemdir

[Þorsteinn Sch Thorsteinsson (IP-tala skráð) 10.8.2021 kl. 20:31]

[Daníel Sigurðsson, 10.8.2021 kl. 20:45]

Þessar síendurteknu fullyrðingar íslenskra sóttvarnaryfirvalda að bóluefnin komi í veg fyrir alvarleg veikindi af Covid stangast á við þá staðreynd að það eru ekki bara þeir bólusettu sem eru ekki að veikjast alvarlega heldur einnig þeir óbólusettu.   Miklu nærtækara er því að álykta að ástæðan sé einfaldlega sú að veiran sé orðin mun veikari en í upphafi. Það þarf heldur ekki að koma á óvart því sú hefur verið reynslan með umgangspestir til þessa.

[Heiðar Þór Leifsson (IP-tala skráð) 11.8.2021 kl. 02:11]

Og hvaða stökkbreytta afbrigði skapast í bólusettum einstaklingi?

[Ragnhildur Kolka, 11.8.2021 kl. 08:36]

 Það er greinilegt að Ísrael hefur ekki skrifað undir sama samning við Pfizer og ESB. Þeir láta ekkert stöðva sig í leitinni að lækningu við covid sbr.tilraunir með Ivermectin og CD24 og kannski e-ð fleira. Gæti verið vegna þess að þeir eyddu ekki mánuðum í að prútta verðið niður. 

[Þorsteinn Sch Thorsteinsson (IP-tala skráð) 11.8.2021 kl. 20:46]

[Guðmundur Ásgeirsson, 12.8.2021 kl. 20:48]

Öll smit í þessari bylgju eiga rætur að rekja til bólusettra.