Já en ...

Fyrir nokkrum mánuðum var því slegið upp sem reginhneyksli að bandarískir spítalar fengju aukalega greitt fyrir sjúklinga ef þeir væru skráðir sem "COVID-sjúklingar". Þetta spillta bandaríska heilbrigðiskerfi, sko! Ekkert að marka tölurnar þeirra!

Einhverjir blaðamenn tóku þetta skrefinu lengra og fóru að skoða tölur yfirvalda yfir látna og komust að því að 94% látinna með COVID-19 voru með aðra undirliggjandi sjúkdóma:

"Since the start of the pandemic, older individuals and those with underlying conditions were considered the most vulnerable to this deadly virus and likely to have the most severe outcomes. This recently released CDC data reinforces that information."

En gott og vel. Menn trúa því kannski ekki að það séu hvatar til að skrá dauðsföll sem COVID-dauðsföll. Bandaríska heilbrigðiskerfið er hér strangheiðarlegt. Tölurnar eru sannar. 600 þúsund dauðsföll!

Og auðvitað skrá íslensk yfirvöld allt satt og rétt. 89 ára einstaklingur á líknadeild spítala sem fær veiru - einhverja veiru - er auðvitað COVID-dauðsfall.

Ekkert að sjá hér. Haldið áfram för ykkar!

Hálf milljón dáin úr Covid-19 í Bandaríkjunum

Athugasemdir

[Ómar Geirsson, 22.2.2021 kl. 09:19]

Blessaður Geir.

Það væri gott að þú útskýrðir betur þetta Já en þitt.

Þar sem Bandaríkin eru ekki á topp 5 listanum yfir flest dauðsföll per milljón, og mjög mörg ríki eru á svipuðu róli, ertu þá að meina að meint fölsun á sjúkraskýrslum í Bandaríkjunum (vegna gamla góða einkarekstursins á grunnþjónustu) sé trend um allan heim??, að greiðslur bandaríska alríkisins skýri þá fjölda dauðsfalla í til dæmis Tékklandi eða Bretlandi??

Þegar þú segir að " 89 ára einstaklingur á líknadeild spítala sem fær veiru - einhverja veiru - er auðvitað COVID-dauðsfall", ertu þú þá að meina að það sé í lagi að veirusjúkdómar þurrki upp líknadeildir??  Eða hvernig á að skilja þessa hæðni þína??

Þú segir að einhverjir blaðamenn hafi kannað tölur, og þá í Bandaríkjunum, of fundið út að  94% látinna með COVID-19 voru með aðra undirliggjandi sjúkdóma, hér á Íslandi þurfa blaðamenn ekki að kanna slíkt, allan tímann hafa læknar útskýrt að kovid veiran sé sérstaklega hættuleg eldra fólki og fólki með undirliggjandi sjúkdóma, um 25% þjóðarinnar útskýrði Þórólfur sóttvarnarlæknir.  Miðað við fæði og holdafar bandarísku þjóðarinnar þá er það varlega áætluð tala, en miðað við að fjórði hver í áhættuhópi falli vegna kórónuveirunnar, þá er það mannfall uppá 20 milljónir, ef fimmti hver fellur, þá er mannfallið tæp 17 milljónir.

Varlega áætlað Geir því þeim milljónum sem heilbrigðiskerfið hefur bjargað í dag, væri ekki bjargað ef veiran gengi laus, og fengi að smita óhindrað.  Því það myndi hrynja á fyrstu stigum hins óhefta faraldurs.

Eru þessar tölur inní þínu Já en, eða hafðu þú ekkert hugsað út í þær??

Og þegar heilbrigðiskerfið er hrunið, stór skörð höggin í raðir hjúkrunarfólk og lækna, því þær stéttir eldast eins og við hin og þurfa á lyfjum að halda vegna undirliggjandi sjúkdóma, þá ógnar veiran lífi allra hinna, bæði vegna þess að þessi 6% sem deyja þrátt fyrir allar varnir nútíma lækninga, að þeim fjölgar stórlega, sem og allir hinir sem fá ekki lífsnauðsynlega hjálp vegna allra hinna sjúkdómanna.

Hvað heldur þú að þetta séu margar milljónir í Bandaríkjunum þegar upp er staðið??, því það er sorgleg staðreynd að nútíma læknavísindi skýra aukinn lífaldur fólks, ekki er það lífstíll streitunnar og hins sykraða mataræðis.

Þú skýrir það ekki í Já en, þó þú skýrir margt, þess vegna langar mig að vita hvort þú hafir skotið á þann fjölda í huga þínum áður en þú ákvaðst að afgreiða kóvid með þessari setningu; "89 ára einstaklingur á líknadeild spítala sem fær veiru - einhverja veiru - er auðvitað COVID-dauðsfall".

Því að baki svona afgreiðslu, svona niðurstöðu, svona Já en þegar greint er frá að hálf milljón hafi fallið þrátt fyrir mjög strangar sóttvarnir, hlýtur að liggja kalt mat á fórnarkostnaðinum.

Og hann léttvægur metinn.

Hitt er ekki boðlegt Geir.

Kveðja að austan.

[Geir Ágústsson, 22.2.2021 kl. 09:41]

Sæll Ómar,

Hérna var ég einfaldlega að reyna benda á tvennt:

- Að skráning dauðsfalla á COVID-19 er hugsanlega í ýktara lagi og þetta hefur a.m.k. á tímabili verið rætt í tilviki Bandaríkjanna (einnig má nefna að Belgía hefur opinberlega lýst því yfir að skrá frekar fleiri en færri, til öryggis). Að segja si sona að "veiran hafi tekið 600.000 mannslíf" er frekar tilfinningaklám en góður fréttaflutningur

- Að allt er hættulegt eldra fólki á líknadeild. Í stað þess að missa fókusinn á því, með því að fókusa á hraust og heilbrigt fólk sem hristir af sér veirur og byggir upp hjarðónæmi á miklum hraða, þá gerðu menn mistök á Landakoti og í upphafi faraldurs í mörgum ríkjum. Aldrað fólk á líknadeild á að verja á meðan við hin byggjum upp varnarvegg. En þess í stað er búið að framlengja veirutímabilið sem gefur veirunni tíma til að stökkbreytast og fá nægan tíma til að ná til þeirra öldruðu

[Ómar Geirsson, 22.2.2021 kl. 16:17]

Blessaður Geir.

Viðurkenni freklegt inngrip mitt, en að baki liggur aðeins virðing fyrir pistlahöfundi sem hefur svo margt til málanna að leggja, úr ranni þess sem ég frá unga aldri hef beint orðum (spjótum) mínum að, en ég hafði þó þann þroska til að viðurkenna, að rök þín og málflutningur hafa hreyft margfalt við mér en það sem ég þó ennþá nennti að lesa frá vinum mínum og félögum til vinstri.

En andsvar þitt Geir, svarar ekki á nokkurn hátt þeirri gagnrýni sem ég varð að beina að þér.

Vísan þín í meintar greiðslur USA alríkisins lítilsvirða vitsmuni þína, aðeins þarlendir vitleysingar halda að land þeirra sé Miðgarður, að utan hans sé aðeins tómið.  Að benda á Belga sem skrá rétt, það er þá sem deyja vegna kóvid, þó kerfið hafi ekki skráð þá því þeim var neitað um greiningu líkt og Svíar falsa dánartölur sínar, er aumt yfirklór.

Hitt sem þú segir er sjónarmið umræðunnar, sem má ræða, en ekki á nokkurn hátt í tengslum við pistil þinn, eða athugasemdir þínar.

Því miður Geir.

Kveðja að austan.