Umhverfisvernd: Úlfur í dulargervi

Hefur þú áhyggjur af því að plastnotkun þín eyðileggi lífríkið?

Hefur þú áhyggjur af því að útblástur bíls þíns breyti loftslaginu?

Óttast þú að umbúðanotkun þín skaði náttúruna?

Hræðist þú auðlindaskort í framtíðinni vegna neyslu þinnar í dag?

Ef svarið við einhverra þessara spurninga er já þá hefur þú látið heilaþvo þig, eða í hið minnsta plata þig.

Þú hefur látið plata þig til að borga hærri skatta í skiptum fyrir nákvæmlega ekki neitt.

Þú hefur látið plata þig til að sætta þig við að hlutir hækki í verði og rýrni í gæðum.

Þú hefur látið plata þig til að færa sífellt meira af ákvörðunarvaldi yfir þínum eigin líkama og eignum í hendur stjórnmálamanna. 

Það er að sumu leyti skiljanlegt að blaðamenn í leit að æsilegum fyrirsögnum flytji þér í auknum mæli allskyns fréttir af því hvað þú ert ömurleg manneskja og mikið krabbamein á náttúrunni. Þú átt samt að vita betur. 

Notaðu plastpoka. Þeir enda ekki úti í náttúrunni eða í sjónum.

Keyrðu bensínbíl. Útblásturinn er hreinni en úr díselbílnum og bíllinn inniheldur ekki batterí troðfull af hættulegum þungmálmum sem börn í Afríku eru pínd til að grafa úr jörðinni.

Notaðu umbúðir. Þær varðveita matvæli og minnka sóun á þeim.

Notaðu þær auðlindir sem standa þér til boða áður en tækniþróunin gerir sömu auðlindir óþarfar og snýr sér að einhverjum öðrum hráefnum.

Lifðu lífinu og lestu fréttir með fyrirvara. Það er í raun og veru öllum fyrir bestu, nema valdagráðugum stjórnmálamönnum og klappstýrum þeirra.

Loftslagsmálin vinsælt fréttaefni

Athugasemdir

[Jón Steinar Ragnarsson, 18.1.2019 kl. 11:12]

Í hvert skipti sem einhver loftslagsráðstefnan er haldin er hellt yfir okkur absúrd hræðsluáróðri og óstaðfestum fullyrðingum um heimsendi byggða á áliti "visindamanna" eða þrýstihópa. Þetta byrjar venjulega töluvert fyrir nefndar ráðstefnur til að kynda undir fólki og afla stuðnings við skattlagningu sem fer ekki í að taka á meintum vanda.

Ríkjum er skammtaður mengunarkvoti (bara þeim sem samþykkja höft) sem gengur síðan kaupum og sölum. Ríki sem menga mikið kaupa bara meiri heimildir til mengunnar af þeim sem minna menga og velta því svo út í verðlagið sem ávallt er tekið úr vasa neytandans.

Sifellt fleiri fastar eru teknir með í jöfnuna. Viðrekstur húsdýra og jarðgas úr mýrlendi t.d. Útflutningur kolefniskvóta er stórbusiness hér á Íslandi og við erum af þeim sökum eitt stærsta kola og kjarnorkuland evrópu án þess að nota kol né kjarnorku.

Þessi vitfirring vex með hverjum degi en er aldrei verri en í krngum liftslagsráðstefnur. Dagblöð birta athugasemdalaust allt sem kemur frá almannatenglum þessara þrýstihópa. 

12 eða 14 ára gömul ragnarrakamynd Al Gore um endalok heimsins er eins og farsi á að horfa nú. Samkvæmt henni hefur heimirinn farist að mestu leyti nú þegar.

Þeir sem andmæla ósköpunum fá ekki birta eina málsgrein með mótrökum og eru hropaðir niður með fúkyrðum og ad hominem.

[Grímur (IP-tala skráð) 18.1.2019 kl. 12:19]

og svo þorir enginn að vera á móti kolvitlausum tillögum

http://www.ruv.is/frett/vilja-laekka-hamarkshrada-a-hringbraut

Það væri mun vænlegar til að koma í veg fyri slys á gangbrautum að lýsa þær upp almennilega því 90% af gangandi og 50% af hjólandi vegfarendum eru ekki með enduskinsmerki eða neitt annað sem vekur athygli bílstjóra og fyrrgreindir aðilar eru mikið áferðinni í rigningarsudda í kolniðamyrkri

[Borgri (IP-tala skráð) 18.1.2019 kl. 21:57]

Fer þetta kolefninsGJALD  úr vasa þínum ekki bara í vasa kommisera í Brussel ?

[valdimar jóhannsson (IP-tala skráð) 18.1.2019 kl. 23:27]

40.000 og 100 betur á ráðstefnu í París.
Það væri gaman að sjá svona eina mynd frá þessum ráðstefnusal. Hallo!
Það hefur aldrei sést viðtal við neinn mann á þessum ráðstefnum, enda hafa þær aldrei verið haldnar.

Hér er fullkomið plott í gangi með þöggun vinstri fjölmiðla, sem eru 99% allra fjölmiðla, hvernig sem á því stendur.

[Þorsteinn Siglaugsson, 19.1.2019 kl. 11:26]

Já, ESB er ekki ríkjasamband heldur akfeitur franskur kall sem hirðir pening af fólki. Hefur annars einhver séð embættismennina í eigin persónu? (samsæri fake media)

Ráðstefnur glóbalista eru aldrei haldnar, það er bara blekking fake media (með því flottara sem ég hef séð).

Loftslagsvísindamenn eru bara blöff og allir í samsæri um að dæla pening í  Al Gore.

Þannig er nú það. Veröldin er svo sannarlega viðsjárverður staður (ef hún er þá yfirleitt til á annað borð - það gæti nefnilega líka verið samsæri).

[valdimar jóhannsson (IP-tala skráð) 19.1.2019 kl. 20:01]

Ég hefði haldið að svona mikilvægur fundur um aðalvandamál mannkynsins "af manna völdum" ætti erindi til als mankynsins en það virðist ekki vera heldur er allt í leyni. Eins og ég sagði, tóm svik og þjófnaður.

[Þorsteinn Siglaugsson, 19.1.2019 kl. 22:38]

Já, en er ekki svolítið erfitt að fela fjörutíuþúsund manns ... og allt saman einhverja vitleysinga?

[Gunnar Heiðarsson, 20.1.2019 kl. 09:03]

97% sérfræðinga tekur undir vá global warming, 99% loftlagssérfræðinga eru á öndverðum meiði.

Flestir þeirra sérfræðinga sem tala fyrir loftlagsvá af mannavöldum eru sérfræðingar í öðru en loftlagsfræðum. Flestir eru sérfræðingar í lygum, þ.e. stjórnmálamenn, þá koma sérfræðingar í skoðanamyndun, fréttamiðlar og fast á hæla þessara koma síðan sérfræðingar í auðsöfnun, þeir sem græða á verslun með kolefniskvóta og öðru tengt þessum iðnaði. Aðrir minni spámenn fylla svo kvótann. Þeir 3% loftlagssérfræðinga sem samþykkja þær kreddur sem haldið er fram um loftlagsvá, gera flestir slíkt með fyrirvara. 

Þetta er um spádómana, síðan er hægt að horfa til aðgerða þessara sérfræðinga allra. Þar er horft gegnum rör, sjónum beint að einu máli, sem oftast er svo lítils gildandi að engu skiptir. Þegar menn fá leið á því máli er rörið fært örlítið til og nýtt efni fundið til að hamast á. Ekki má taka rörið frá augunum, því þá blasir sannleikurinn við.

Að breyta úr mengandi bílum með sprengihreyfil yfir í enn meira mengandi bíla með rafmótor, er auðvitað galið. Reyndar eru menn að átta sig á þessu og tal um rafbíla hefur minnkað mikið erlendis, þó íslenskir sérfræðingar í lygum séu enn við sama heygarðshornið.

Af fylla upp framræsluskurði til að endurheimta votlendi, sem gefur frá sér 20 falda meiri mengun en framræst land, er sér íslenskt fyrirbæri.

Að hægja á umferð myndar meiri mengun og þarf ekki geimflaugatækni til að sjá það. Samt er þetta eitt helsta baráttumál í höfuðborginni. Hraði umferðar á að ráðast af aðstæðum einum saman og ef aðstæður leiða til þess að hægja þarf á umferð, á aldrei að taka slíka ákvörðun nema henni fylgi lausn á vandanum, þannig að umferð geti aftur orðið mengunarminni. Þetta kemur ekkert global warming við, er einungis skynsemi að menga ekki meira en þarf.

Það má lengi halda áfram í þessari upptalningu, þar sem gripið hefur verið til misviturlegra aðgerða, stundum mjög kostnaðarsamra, í nafni global warming. Eitt ber þó að benda á, að þegar mælingar á jörðu niðri hættu að fylgja spádómum um heiftarlega hlýnun jarðar, var gripið til þess ráðs að hætta að nota þær mælingar, þess í stað var einu mælingunum sem enn mældu aukinn hita haldið á lofti. Mælingum NASA með gervihnöttum umhverfis jörðina. Dettur einhverjum virkilega í hug að mælingar sem teknar eru úr tugþusunda kílómetra hæð séu betri til að mæla hitastig en hitamælir á staðnum sjálfum. Það sama má segja um hækkun sjávar, eru mælingar gervihnatta þar öruggari en tommustokkar við fjöruborðið?

Læt þetta duga

[valdimar jóhannsson (IP-tala skráð) 20.1.2019 kl. 13:16]

Gunnar Heiðarsson, þú ert perla.

[Geir Ágústsson, 20.1.2019 kl. 19:40]

Ég þakka Gunnari fyrir eldræðuna.

Annars vil ég taka fram að ég sé ekki eitthvað alheimssamsæri í gangi. Miklu frekar sé ég hina ýmsu hópa sjá tækifæri í því að nota ríkisvaldið til að klófesta ýmsa aðila og búa til pláss fyrir sjálfa sig.

Sumir líta á umhverfisverndarhreyfinguna sem verkfæri til að þvinga fram efnahagslegan jöfnuð.

Sumir sjá viðskiptatækifæri í því að fá niðurgreiðslur til að framleiða eitthvað á markað þar sem samkeppnin býr við ofurskattlagningu (í nafni umhverfisins).

Sumir hafa ekki fundið leiðir til að framleiða verðmæti og eru bitrir út í aðra sem gengur betur að framleiða verðmæti. Hippinn á hjólinu þolir ekki jakkalakkann með bindið sem keyrir á þýska lúxusbílnum. 

Sumu fólki leiðist og finnur hér útrás til að eyða tíma sínum.

Flestir eru samt bara neytendur frétta og láta þær stjórna skoðunum sínum. Fréttamenn eru tölfræðilega marktækt miklu meira til vinstri en hægri - eru frekar hlynntari stærra ríkisvaldi en minna - og það hefur áhrif á almenningsálitið.

[Þorsteinn Siglaugsson, 20.1.2019 kl. 20:38]

Það er einn hópur sem vantar þarna hjá þér Geir. Það eru þeir sem ekki sækjast eftir jöfnuði, sjá engin viðskiptatækifæri í umhverfismálum, eru ekki bitrir út í þá sem ná árangri, leiðist ekki og hlaupa ekki eftir skoðunum annarra. Þetta eru þeir sem taka einfaldlega mark á vísindamönnum en líta ekki á þá sem svikara, hafa áhyggjur af barnabörnunum sínum og framtíð þeirra, og sem hafa sætt sig við að frjáls markaður leysir (því miður) ekki öll vandamál. Þetta eru þeir sem vita að það er raunhæfur möguleiki að hagfræðin skili okkur þeirri niðurstöðu að verkefni sem veldur eyðingu alls lífs á jörðinni að 100 árum liðnum sé arðbær og því skynsamleg fjárfesting.

[Geir Ágústsson, 21.1.2019 kl. 04:45]

Já ótti er líka drifkraftur. 

[Geir Ágústsson, 21.1.2019 kl. 05:13]

Hér er svolítið móteitur við ótta:

The Rational Optimist: How Prosperity Evolves (P.s.) https://www.amazon.com/dp/0061452068/ref=cm_sw_r_cp_apa_i_SsvrCbM9XPHA0