Mikið á sig lagt til að hunsa stóran hluta kjósenda

Í Svíþjóð hefur gengið mjög erfiðlega að mynda ríkisstjórn eftir seinustu kosningar. Ástæðan er sú að hinir svokölluðu Svíþjóðardemókratar fengu tæp 20% atkvæðanna og enginn segist vilja vinna með þeim.

Það er sem sagt mikið á sig lagt til að hunsa vilja 20% kjósenda.

Hvernig ætli fari eftir næstu kosningar í Svíþjóð, þegar Svíþjóðardemókratar fá yfir 25% atkvæðanna?

Ég er enginn stuðningsmaður Svíþjóðardemókrata en bendi á að þeir eru að segja nokkuð sem mikil eftirspurn er eftir og enginn annar þorir að segja. Sá boðskapur er: Sænskt þjóðfélag verður eyðilagt ef stjórnvöld halda áfram að leyfa stórum hópum af fólki frá fjarlægum heimshornum að setjast að í landinu, innleiða andvestræn gildi í samfélagið og tengja sig inn á velferðarkerfið.

Þetta er bæði afskaplega einfalt en um leið flókið. Það er flókið í Svíþjóð að vera raunsær.

Sama vandamál hrjáir ekki dönsk stjórnmál. Meirihluti flokka í Danmörku er búinn að átta sig á því að velferðarkerfi og opin landamæri eru ósamrýmanlegir hlutir. Annaðhvort viltu opna landamærin og um leið leggja niður velferðarkerfið, þannig að þeir komi bara sem vilji raunverulega taka þátt í samfélagi og atvinnumarkaði, eða þú vilt halda í velferðarkerfið en loka landamærunum. 

Sjáum hvað setur í Svíþjóð en það lítur út fyrir að þarlendir kjósendur þurfi að taka fyrir hendurnar á stjórnmálamönnum sínum með afgerandi hætti ef rödd þeirra á að heyrast.

Ríkisstjórnarsamstarf í uppsiglingu?

Athugasemdir

[Örn Einar Hansen, 28.11.2018 kl. 16:18]

Þetta vandamál er miklu stærra, en menn halda. Og er ekki bara spurning um stuðning við Svíþjóðar demäokrata. Heldur eru Socialdemókratar og fleiri, farnir að sýna á sér "fasisma".

[Geir Ágústsson, 28.11.2018 kl. 18:41]

Það kemur mér ekkert á óvart. Meðvirkir stjórnmálamenn hafa þröngvað upp á almenning stórum hópum innflytjenda sem vilja ekkert með samfélagið sem þeir flytjast inn í hafa. Þetta skapar klofningssamfélög. Til að bregðast við sjá svo sumir sér leik á borði til að boða sína eigin útgáfu af þröngvun á samfélagið. Allt þetta í stað þess að átta sig á raunveruleikanum.