Evrópa til sölu

Evrópumenn virðast hafa gleymt aðalatriði kapítalismans: Að leyfa gjaldþrota rekstri að fara á hausinn.

Með því að sópa þessu grundvallaratriði til hliðar gerist eftirfarandi:

• Þeir sem drekkja sér í skuldum gera það í trausti þess að verða bjargað af öðrum þegar kemur að skuldadögum. Þeir drekkja sér því þar til engin von er til að synda í land.
• Þeir sem taka að sér að bjarga skuldugum þurfa að skuldsetja sjálfa sig í rjáfur og skerða lífskjör þeirra sem kunna að fara með fé.
• Þeir sem kunna að fara með fé sjá minni og minni ástæðu til að haga sér skynsamlega og annað hvort flýja yfir í "svarta" hagkerfið eða byrja sjálfir að fara illa með fé sitt og annarra.

Evrópubúar forðast nú gjaldþrota þeirra gjaldþrota eins og heitan eldinn. Í stað hreinsandi tiltektar gjaldþrotahrina þeirra gjaldþrota á að skuldsetja Evrópu. Í raun þýðir það að Evrópa er til sölu. Með því að gera Evrópu að skuldunauti annarra heimshluta eru Evrópumenn í sífellt verri stöðu til að standast pólitískan þrýsting, t.d. frá Rússum sem vilja olíu og gas og fisk í Norður-Atlantshafi, og Kínverja sem vilja siglingaraðgengi norður fyrir Asíu og í gegnum Norður-Atlantshaf. 

Evrópa er til sölu, og "hefðbundnir" hagfræðingar hrópa húrra og kalla flóttann frá gjaldþrotum þeirra gjaldþrota skynsamlegan.

Rússar vilja leggja til fé

Athugasemdir

[Tómas Ibsen Halldórsson, 7.11.2011 kl. 09:13]

Hver skildi bjóða hæðst???

[Anna Sigríður Guðmundsdóttir, 7.11.2011 kl. 09:24]

Sá býður hæst, sem stolið hefur mestu af almennu heiðarlegu fólki.

Falsað friðarbandalag til sölu til Rússa-mafíunnar. Eiga ekki allir að klappa fyrir góðum árangri í hripleku regluverki EES og ESB?

Þetta er bara allt að koma, eins og Jóhanna blessunin er alltaf að segja okkur "vitleysingunum". Trú sumra er svo sterk, að hún flytur fjöll, eða hvað?

M.b.kv.

[Gunnlaugur Ingvarsson (IP-tala skráð) 7.11.2011 kl. 11:36]

Sæll Geir.

Þessir hroðalegu ágallar Ný-kapítalismans á ekki að lækna með því að skera graftarkýlin í burtu hjá þeim sem er viðbjargandi og senda hina sem eiga sér ekki viðreisnar von á líknardeildina.

Nei ESB apparatið þorir ekki að horfast framan í vandann sem er að stórum hluta þeim sjálfum að kennaog þeirra handónýta regluverki og hripleka regluverki !

Því skipa þeir nú svo fyrir að halda skuli helst öllum sjúklingunum á lífi, sama hvað það kostar, með enn frekari og dýrara læknadópi og blóðgjöfum frá almenningi, sem borga svo allan brúsan með hærri sköttum og meiri blóðtökum.

Þessar lækningaaðferðir á ágöllum Ný-kapítalismans kalla ég Sósíalisma Andskotans.

[Geir Ágústsson, 7.11.2011 kl. 12:21]

Ég kann ákaflega illa við að menn taki skiljanleg og skýr orð, sem hafa eina og bara eina merkingu, og skelli forskeytinu "ný" fyrir framan þau og geri þau þannig torskilin og opin fyrir mörgum túlkunum. Sbr. frjálshyggja - nýfrjálshyggja, kapítalismi-nýkapítalismi.

Með því að ríkistryggja innistæður í bankakerfinu og einoka útgáfu peninga og "hafa eftirlit með" bönkum (ríkið segir hvaða bankar eru góðir og hverjir ekki) hefur fjármálakerfið verið ríkisvætt í öllum meginatriðum. 

Marx sjálfur mælti með eftirfarandi aðgerð til að koma samfélaginu í tryggar hendur ríkisins:

Centralisation of credit in the hands of the state, by means of a national bank with State capital and an exclusive monopoly. 

Marx hefði verið mjög stoltur af því hvernig er komið fyrir peningamálum í heiminum í dag. Er nokkuð alveg galið að kalla það kerfi eða fyrirkomulag kommúnisma eða Marxisma?

[Helgi (IP-tala skráð) 9.11.2011 kl. 17:37]

@GI:

Það sem er að gerast í Evrópu á ekkert skylt við kapítalisma. Kapítalismi er ekki að ríkið sé að skipta sér að öllu eins og þar er að gerast. Sarkozy og Merkel virðast ráða öllu þrátt fyrir að hafa sýnt fram á það oft að þau hafa enga getu til að leysa vandann. Mér finnst merkilegt að markaðir skuli enn dansa með vitleysunni í þeim og ESB leiðtogunum. Svo á að stækka björgunarsjóðinn á sama tíma og einkageirinn í ESB löndunum, tekjustofn ESB ríkjanna, dregst saman. Fréttin um minnkandi einkageira í ESB löndunum ,sem ég sá á evropuvaktin.is, er stórfrétt en hefur ekki farið hátt, einhverra hluta vegna.

Þeir sem lána of mikið eiga að tapa sínu fé, ekki á að ríkisvæða tap eins og Steingrímur og félagar hafa verið að gera hvort sem er innlent eða erlent.

Nú veit maður auðvitað ekki hvernig Kínverjar hugsa en ef ég væri einhver "sjeff" þar í landi myndi ég ekki koma við ESB eða skuldir þeirra með priki. Ætla þeir sér að lenda í svipuðum málum með ESB og USA? Annars eru blikur á lofti í Kína.