Meðvituð aðferð sósíalískra yfirvalda

Heldur einhver að það komi ríkisstjórninni á óvart að svarta hagkerfið vaxi á miklum hraða á tímum hækkandi skatta og samdráttar í hagkerfinu?

Þetta kemur ríkisstjórninni ekkert á óvart. Þetta er meðvituð aðferð hjá yfirvöldum. Þegar skattahækkanir hafa skapað mikið svigrúm fyrir stóran svarta markað tekur svo næsta skref við: Aukið eftirlit og refsingar. 

Með þessu móti er ríkisvaldið stækkað á tvo vegu: Það hirðir til sín stærri hluta af minnkandi köku, og eftirlitsmenn ríkisins fá nóg að gera að handtaka "venjulegt" fólk og stinga einhverjum í steininn til að "letja" aðra.

Svona hafa öll sósíalísk/fasísk stjórnvöld smátt og smátt náð tangarhaldi á hagkerfinu. Þetta byrjar e.t.v. "smátt", en boltinn er byrjaður að rúlla og hættir því ekki fyrr en ný og frjálslyndari stjórnvöld taka við stjórnartaumunum.

Ein umsókn eftir 3 auglýsingar

Athugasemdir

[JRJ, 3.8.2011 kl. 08:22]

Gæti ekki verið meira sammála þér Geir.

[Jón Óskarsson, 3.8.2011 kl. 12:15]

Koma þarf þessari ríkisstjórn frá hið fyrsta.  Skattahækkanabrjálæðið er svo sannarlega búið að sanna sitt í því að svört starfsemi blómstrar og síðan er verið að handtaka menn og sekta og láta okkur þegna þessa lands njósna um hver annan og senda inn nafnlausar ábendingar um það ef við höldum að nágranninn sé að svindla.  Svona Austur-Þýsk aðferð.  

Í gjaldeyrismálum ríkir ekki lengur frjáls samkeppni milli bankastofnana og gjaldeyrishöftin væri beinlínis hlægileg ef þau væru ekki að kosta okkur venjulegt fólk stórfé.  Þannig var nýlega að sambýliskona mín ætlaði að kaupa 300 dollara af gjaldeyri (náttúrulega tæmir gjaldeyrisforðann með þessu eða þannig) vegna ferðar erlendis.  Ég mátti ekki sækja þessa seðla handa henni og var vísað á dyr í bankanum.  Hún fékk frí úr vinnu til að komast í banka og við fórum saman í Íslandsbanka því þar var gjaldeyrinn ódýrastur.  En þá var okkur vísað þar á dyr því að konan var ekki með launareikning þar og þrátt fyrir að fyrirtæki í fjölskyldueigu sem og meginhluti fjölskyldunnar væri með öll sín viðskipti þarna þá dugði það ekki til.  Hún mátti því aka höfuðborgarsvæðið á enda og rétt náði fyrir lokun inn í sinn viðskiptabanka þar sem hennar laun eru lögð inn og greiddi þar hæsta verð fyrir þennan gjaldeyri sem mögulegt var þann dag.   Allt þetta vesen er beint í boði ríkisstjórnarinnar og það mega þeir vita að hvorugt okkur mun nokkurn tíma það sem eftir lifir okkar ævi kjósa nokkurn þann mann sem tilheyrir þeim flokkum og það jafnvel þó eitthvað af því fólki myndi skipta um flokk.

[Jón Flón (IP-tala skráð) 3.8.2011 kl. 12:49]

Ég held nú reyndar að þingmenn vorir og ráðherrar séu ekki þetta klárir að geta skipulagt svona lagað meðvitað. Þvert á móti held ég að meðlimir ríkistjórnarinnar séu einfaldlega illa gefnir. Þeir virðast nefnilega halda að frjálslyndi geti af sér sundrung, hömluleysi og víðtekin afbrot, en gera sér ekki grein fyrir því að þeirra stjórnunaraðferðir munu valda nákvæmlega þeim afleiðingum sem verið er að reyna að forðast.

Mikið hlakka ég til að fá að kjósa eitthvað annað eftir rúma 600 daga.

[Óskar Guðmundsson (IP-tala skráð) 4.8.2011 kl. 02:31]

Mesta ógn Evrópu er hríðlækkandi greindarvísitala þingmanna.

[Már Elíson, 4.8.2011 kl. 11:35]

Jón flón....Án þess að taka upp hanskann fyrir skattpíningu, þá skaltu ekki kóróna flónshátt þinn eftir 600 daga og detta í þá heimsku að halda að eitthvað muni breytast. -

Áttu kannski von á að öll núverandi ákomin skattpíning og álögur verði tekar til baka, eða....? - Þú værir erkiflón ef þú heldur að vöndur og arðrán bláfuglsins sé eða verði betri.

[Geir Ágústsson, 4.8.2011 kl. 12:03]

Már,

Það er vissulega hægt að segja margt og mikið slæmt um Sjálfstæðisflokkinn og hans málefnastöðu, sérstaklega síðan Davíð fór að sinna öðru en formennsku í flokknum, en það er ekki séns í heitu helvíti að það sé hægt að stunda verri hagstjórn en þá sem nú er stunduð.

Það er þrátt fyrir allt hægt að gefa Sjálfstæðisflokknum plús fyrir að reka ríkið fyrir minna fé en hægt er að afla með skattheimtu, þegar flokkurinn er í ríkisstjórn. Að ríkið hafi þanist út á tímum mikilla skatttekna er vissulega gagnrýnisvert, en það þandist þó aldrei það mikið út að ríkið þurfti að drekkja sér og skattgreiðendum sínum í skuldafenið.

Svo niðurstaðan er sú að allt er skárra en núverandi ríkisstjórn. Allt. Og það er kominn tími til að losa landið við Samfylkinguna úr ríkisstjórn, þar hefur hún reynst verri en enginn þegar hrunið skall á og miklu verri en enginn eftir hrunið.

[Helgi (IP-tala skráð) 5.8.2011 kl. 13:30]

Sæll.

Flottur pistill hjá þér.

Geir, ég á voðalega erfitt með að fyrirgefa Sjálfstæðisflokknum að hafa þanið ríkisvaldið út um þriðjung á föstu verðlagi á árunum 1999-2007. Stjórnarliðar tala um taumlausa frjálshyggju á árunum fyrir hrun en stækkun ríkisvaldsins sýnir svart á hvítu að þessar fullyrðar þeirra eru með öllu innihaldslausar. Sjallarnir eru orðnir miðjuflokkur og þar á bæ vantar flesta þingmenn öll prinsip. Menn sem hafa ekki prinsip eiga ekkert erindi á þing. Sjallarnir standa ekki vörð um persónufrelsi og einkaframtakið. Mér finnst alger óþarfi hjá þér að skafa skítinn af Sjöllunum eins og þú gerir, Sjallarnir nutu góðs af því að hér flæddu peningar um allt á tímabili. Ég vil vita geta kosið frjálshyggjuflokk en í bili er það ekki hægt.

Segja þarf upp fullt af opinberum starfsmönnum og leggja niður margar ríkisstofnanir enda eru þær með öllu óþarfar - ríkið á ekki að reyna að hafa vit fyrir þegnum sínum í jafn ríku mæli og gert er hér.

Ég verð að segja fyrir mig að ef eitthvað viti borið gerist ekki á væntanlegum landsfundi Sjallana í haust er kominn grundvöllur að stofnun raunverulegs frjálshyggjuflokks eins og smáfuglarnir bentu raunar á fyrir stuttu:

http://www.amx.is/fuglahvisl/17508/

[Helgi (IP-tala skráð) 5.8.2011 kl. 21:04]

Sæll.

Það leið ekki á löngu þar til þú reyndist sannspár um eftirlitsiðnaðinn Geir:

http://www.ruv.is/frett/tilraedi-vid-velferdarsamfelagid

[Geir Ágústsson, 7.8.2011 kl. 07:57]

Stundum er traust hagfræði og rökhugsun nóg til að sjá fram í tímann!