Skynsamlegt, en meira þarf til

Skattgreiðendur hafa víða krafist þess að hið opinbera sé sett í einhvers konar bönd svo það vaxi ekki stjórnlaust með tilheyrandi auknum þyngslum á skattgreiðendur.

Hér er til dæmis fjallað um hugmynd háttsetts embættismannsins í Bandaríkjunum um að takmarka eyðslu hins opinbera við hlutfall af þjóðarframleiðslu.  Hér er sagt frá því að á Nýja-Sjálandi sé hugsanlega verið að innleiða þak á eyðslu hins opinbera. Víða eru svokölluðu "sólsetursákvæði" sett á hina og þessa löggjöfina, en slík ákvæða segja að nema ný lög séu samþykkt eða þau gömlu framlengd, þá gufar ákveðin löggjöf (t.d. um einhverja ríkisstofnun eða einhvern skatt) upp á tilteknum degi. 

Tillaga Tryggva Þórs getur sennilega flokkast með einhverju af ofangreindu. Hugmyndin er að minnsta kosti sú sama: Að takmarka stjórnlausa útþenslu hins opinbera. Sú hugmynd er góð. En meira þarf til en ákvæði um takmörkun á vexti hins opinbera. Hið opinbera þarf að minnka. Góð hugmynd þarf því að verða enn betri.

Léttir peningamálastjórn og jafnar efnahagssveiflur

Athugasemdir

[Jon (IP-tala skráð) 16.10.2010 kl. 19:23]

Sæll.

Hugmyndin er góðra gjalda verð og alls ekki slæm.  

Mesta tragedían er þó sú að þessi ríkisstjórn er algerlega ófær um að leysa úr vandanum, sama hvert litið er. Ef almenningur hefði ekki tekið sig saman og farið fram á þjóðaratkvæði um Icesave og svo fellt þá firru væri staðan enn verri. Fjármálaráðherra sem segir að hagvöxtur sé þegar samdráttur er enn ríkjandi er starfi sínu ekki vaxinn. Laug hann eða vissi hann ekki betur? Sama hvort svarið er, útkoman er sú að hann þarf að hætta. 

Steingrímur heldur einnig áfram að fá lán frá AGS þó þau séu skaðleg og algerlega óþörf og í raun skaðleg útflutningsgreinunum. Svo hefur Seðlabankinn stýrivextina alltof háa svo við þurfum alveg örugglega að greiða útlendingum formúu í vaxtakostnað :-) Frábært!!

Ríkisstjórnin gefur fyrirheit en þau eru flest einskis virði. Í mars sögðu ráðherrar að búið væri að leysa skuldavandann. Staðan nú sýnir glögglega að ríkisstjórnin skildi ekki vandann þá frekar en nú og getur þ.a.l. ekki leyst hann. Atvinnurekendur eru mjög svartsýnir og því ekki líklegt að þeir bæti við sig fólki nema síður sé. Svo er vert að benda á, eins og sumir bloggarar hafa tekið eftir, að verulegt falið atvinnuleysi er hér. Bankakerfið er enn alltof stórt sem og ríkið sjálft og sveitarfélögin.

Hvað er það annað en atvinnubótavinna að kyngreina fjárlög? Í nánast sömu andrá er svo heilbrigðiskerfið nánast lagt niður sums staðar og þar með mörg kvennastörf. Þarf þá fleiri femínista til að kyngreina fjárlögin svo þetta gerist ekki aftur? Hvenær lýkur kyngreiningunni?  Svo þarf ábyggilega líka ríkisrekna femínista til að passa upp á ríkissaksóknara svo hann sleppi nú ekki glæpamönnum lausum vegna kvenfyrirlitningar sinnar.

Svo er þarft að hafa í huga að alls staðar í kringum okkur er staða mála heldur að skána en hér heldur samdrátturinn bara áfram :-( Er það nú Sjálfstæðisflokknum að kenna eða kannski AGS? Hvorum aðilanum skyldi nú ríkisstjórnin kenna um?

Ljósið í myrkrinu er stækkunin í Straumsvík. Ríkisstjórnin getur þó ekki stært sig af henni, þær framkvæmdir fara af stað þrátt fyrir ríkisstjórnina.