Tálmunardeild lögreglunnar, get ég aðstoðað?

Þau sitja enn töluvert í mér þessi orð úr frétt Nútímans:

Samkvæmt heimildum Nútímans innan úr lögreglunni var mál drengjanna þriggja búið að skipta upp embættinu í tvö lið – þar voru starfsmenn sem láku upplýsingum til vina og vandamanna Eddu Bjarkar og höfðu mikla samúð með málstað hennar en svo hópur starfsmanna sem hélt leitinni linnulaust áfram en með mikilli leynd frá miðjum desember þar sem grunur um leka hafði ítrekað komið upp. Síðarnefndi hópurinn fann svo drengina í gær.

Hérna get ég ekki betur séð en að innan lögreglunnar séu reknar tvær algjörlega aðskildar nálganir á löggæslu þegar móðir sviptir börn föður þeirra: 

• Lögreglumenn sem sinna löggæslu
• Lögreglumenn sem styðja við tálmun

Ef einhver svarar í símann, „tálmunardeild lögreglunnar, get ég aðstoðað?“, þá þarf að biðja um að símtalið sé flutt á löggæsludeildina.

Fyrri hópurinn virðist vera frekar nýlega stofnaður því tugir íslenskra feðra hafa þurft að horfa upp á mæður barna þeirra rífa þau upp með rótum og flytja á hjara veraldar, þvert á alla samninga, án afleiðinga. Núna geta feður mögulega hringt í lögregluna í slíkum málum og beðið um löggæsluhluta hennar. 

Nú veit ég að það eru til einstaklingar sem telja að ef mamman vill bara meðlögin en ekki föðurinn í líf barnanna að þá geti faðirinn bara haldið kjafti og sætt sig við það. Hann má gleyma öllum rannsóknum sem sýna hvað slíkt sé slæmt fyrir börnin. Hans metnaður fyrir hönd barna hans má fjúka út um gluggann. Hans ást á börnunum, og ást þeirra á föður, telur ekki af mamman er fjárþurfi tálmunarkvendi. En ég er ósammála, og vonandi löggæsludeild lögreglunnar líka, ef hún á annað borð fær að starfa áfram.

Athugasemdir

[Grímur Kjartansson, 29.12.2023 kl. 15:47]

Las þessa "frétt" og fannst hún strax stórskrýtin
en blaðmönnum er í dag nokkur vorkunn í því að reyna finna einhvað sem vekur athygli eða bæta við einhverju sem er fjársterkum styrktaraðilum í hag.

Ég held að það sé alveg á hreinu að sá aðili sem borgaði fyrir einkaþotuna til Noregs var áður búinn að ráða hér her manns til að dreifa áróðri sér og vinkonu sinni í hag eftir mannránið gagngert til að hafa áhrif á almenningsálitið á Íslandi 

[Geir Ágústsson, 29.12.2023 kl. 20:11]

Grímur,

Í Noregi tala menn um hakkavél Eddu. Og já, ríki heildsalinn/tannsmiðurinn er fjárhagslegi bakhjarlinn að baki barnaráninu og sennilega líka búinn að rétta út fimmþúsundkalla til þeirra sem földu börnin þegar mamma fór í grjótið.

Nútíminn er að taka mikla áhættu með fréttaflutningi sínum og síður en svo að dansa í takt við einhverja fjársterka styrktaraðila, ef ég skil þig rétt.