Bloggfærslur mánaðarins, apríl 2010

Hvernig Icesave kom til

Þörf áminning hjá jarðfræðingnum, íþróttafréttamanninum, kennslufræðingnum og núverandi fjármálaráðherra landsins (feitletrun mín):

Steingrímur J. Sigfússon, fjármálaráðherra, segir viljayfirlýsingu ríkisstjórnarinnar í tengslum við afgreiðslu AGS lánsins fyrir helgi ganga skemur en yfirlýsingin frá nóvember 2008. Hann hafnar gagnrýni Bjarna Benediktssonar á yfirlýsinguna og biður hann að lesa rannsóknarskýrsluna og rifja upp hvernig Icesave sé tilkomið.

Icesave málið er þannig tilkomið að stjórnmálamenn úr nánast öllum flokkum Íslands hafa sagt við útlendinga við ýmis tækifæri að Íslendingar muni "standa við skuldbindingar sínar". Gott og vel, og væntanlega átt við þær skuldbindingar sem fjallað er um í ýmsum lögum og samningum Íslands við önnur ríki.

Síðan var tekin pólitísk ákvörðun um að ganga lengra en lög og reglur Íslands og Evrópusambandsins kveða á um og þjóðnýta allskyns skuldir sem hrun bankanna gat af sér. Þar á meðal er Icesave. En áður en slík þjóðnýting er orðin að lögum (sem rétt náðist að koma í veg fyrir með þjóðaratkvæðagreiðslu) þá er Icesave-málið bara spurning um tiltekt, sem gjarnan felur í sér gjaldþrot eða tvö. 

Það er núverandi ríkisstjórn sem ætlar sér að keyra Icesave ofan í kok íslenskra skattgreiðenda. Steingrímur J. getur ekki klínt þeirri ætlan sinni á aðra, sama hvað hann veifar mörgum misvitrum skýrslum framan í fjölmiðlamenn.


mbl.is Engin fyrirheit gefin
Tilkynna um óviðeigandi tengingu við frétt

Hvað með MÍNAR óskir um boð og bönn?

Þeir eru víst margir sem hafa stórar og miklar skoðanir á nektardansi en halda því um leið fram að þeir horfi ekki á slíkan dans. Eitthvað sem fer illa saman, því hvers vegna að vilja banna iðju sem viðkomandi nýtur þess engan veginn að horfa á, og heldur sig því annars staðar?

Hvað um það. Ég er ekkert hrifinn af því að fólki labbi um með stóra hunda á götum úti. Ég mundi miklu frekar vilja að hundarnir séu annars staðar en ég. Ég reyni að forðast þá en það er erfitt, því ólíkt nektardansi þá eru þeir ekki bak við luktar dyr sem dyravörður krefst aðgangseyris til að fá að ganga í gegnum. Ég rekst ekki beint á nektardansmey stunda iðju sína úti á götu. En hundarnir eru alls staðar. Mætti ég biðja um bann við hundahaldi á þéttbýlissvæðum, takk!


mbl.is Flestir vilja banna nektardans
Tilkynna um óviðeigandi tengingu við frétt

Innskráning

Ath. Vinsamlegast kveikið á Javascript til að hefja innskráningu.

Hafðu samband