Ölvunarástandi fjármálamarkaða viðhaldið

Enn á að reyna fresta þeim timburmönnum sem bíða fjármálamarkaðanna um leið og búið er að rýra alla helstu gjaldmiðla heims öllu trausti sökum stanslausrar peningaprentunar ríkisstjórna. Það að "veita fé" inn á markaði er alveg stjarnfræðilega skammsýn "lausn" á þeirri leiðréttingu sem er óumflýjanlega handan við hornið.

Eða hvað heldur fólk annars að verði um gjaldmiðil sem er búið að útþynna svona hressilega í svona langan tíma? Ef peningaprentun seðlabanka er "lausnin" á allskyns vandamálum fjármálamarkaða, af hverju er peningamagn þá ekki tvöfaldað á hverju ári? Verður þá ekki til nóg af ódýru lánsfé handa öllum til að fjármagna neyslu og húsnæðiskaup með, án neikvæðra afleiðinga?

Seðlabanki Japans setur meira fé í umferð

Athugasemdir

[Ívar Pálsson, 21.8.2007 kl. 00:22]

Já, það er skammgóður vermir að míga í skó sinn. Verst er það að kasta björgunarhringjum til áhættufíkla í vogunarsjóðum en láta hina ráðdeildarsamari sökkva. Þetta er álíka og með Byggðastofnun sem verðlaunar hina skuldsettustu með eftirgjöfum skulda, á meðan aðrir skuldlausir samkeppnisaðilar sitja eftir með sárt ennið.

[Vilhjálmur Andri Kjartansson (IP-tala skráð) 22.8.2007 kl. 16:00]

ég mæli með að menn  líti á síðustu myndina eða viðtalið við Ron Paul http://www.ronpaul2008.com/snippets/7/