Gjaldborg um heimilin

Eitthvað var það óheppilegt hjá kjósendum að misheyrast fyrir seinustu kosningar. Kjósendur heyrðu talað um "skjaldborg um heimilin", en í raun var verið að lofa þeim "gjaldborg", eins og komið hefur í ljós.

Hvað gerir einstaklingur sem nær ekki endum saman? Hann sker niður útgjöld sín, tekur kannski tímabundið lán en fær varla meira en það, og á endanum þarf að greiða til baka.

Hvað gerir hið opinbera? Þeir sökkva skattgreiðendum í skuldir. Síðan koma kosningar og afleiðingar skuldasöfnunarinnar lenda á einhverjum öðrum. Lúxus sem einstaklingar geta ekki leyft sér, nema auðvitað með því að setja ábyrgðarmenn í klípu.

Holl og góð húsráð heyrast ekki í Stjórnarráðinu.

Skattahækkanir auka verðbólgu

Athugasemdir

[GunniS, 13.1.2010 kl. 11:37]

já og ekki heyrist boffs frá verkalíðshreyfingunni, virðist eins og öll öfl sem eiga að standa vörð um hagsmuni hins almenna borgara hafi snúið baki við fólkinu í sameiginlegu átaki til að kreista líftóruna úr fólki. held það sé nokkuð ljóst að lægstu laun duga ekki til að ná endum saman eftir allar þessar hækkanir og fall krónunar.

[Jón (IP-tala skráð) 13.1.2010 kl. 13:24]

Spurning um að pakka saman og fara.  Það er engin skylda að búa við þessi skilyrði