Olían heldur áfram að sópa milljónum manna úr fátækt

Olían er eldsneytið sem knýr hagkerfi heimsins áfram og það mun ekkert breytast á næstu árum. Kínverjar nota nú olíu til að knýja sig til velmegunar og það er hið besta mál. Mengun af völdum olíu er minniháttar og skaðlaus miðað við þá tröllauknu mengun sem kolabruni leiðir af sér og því mikilvægt fyrir líf og heilsu Kínverja að hafa aðgang að sem allramestri olíu.

Aukning á losun CO2 er ekki raunverulegt vandamál og það er gott að sjá að Kínverjar gera sér grein fyrir því og halda áfram að auka orkunotkun sína á meðan sjálfumglaðir íbúar Vesturlanda sóa auði sínum í vindmyllur og ruslabrennslu-orkuver, og neita að byggja fleiri kjarnorkuver af ótta við ímyndaðar ógnir.

Olíuinnflutningur Kínverja eykst um 18%

Athugasemdir

[Sigurður Karl Lúðvíksson, 7.10.2007 kl. 22:01]

Kjarnorkuver eru málið, þau eru orðin svo örugg að líkurnar á slysi eru nánast hverfandi, og ef svo ótrúlega vill til, þá er hættan á mengunarslysi nánast hverfandi líka. Leitt hve umhverfisklámið og Chernobyl hefur eyðilagt almenningsálitið. Væri jafnvel hægt að grafa þau niður í jörðina eða inn í fjall og þá sæust þau aldrei. Allaveganna skárra en að sökkva risa landsvæði undir miðlunarlón þegar þess þarf ekki.