Leiðir til að eyða mannkyninu

Ég veit að sífellt fleiri eru komnir á þá skoðun að mannkynið sé vandamál heimsins, og þar með mannkynsins. Til að leysa þetta hvimleiða vandamál - mannkynið - er því sífellt að bætast á listann yfir leiðir til að útrýma mannkyninu. 

Hér kemur stuttur listi yfir það sem mér dettur í hug í fljótu bragði, en mögulega gæti hann orðið lengri:

• Losun lofttegunda: Mannkynið losar mikið magn af lofttegundum í andrúmsloftið. Í sumum tilvikum jafnvel á pari við eldfjöll og aðrar glufur í jarðskorpunni, þótt mér finnist það ólíklegt. Með því að takmarka eða banna slíka losun er um leið verið að svipta mannkyninu orku og hráefnum og dæma það í orku- og hráefnaskort og þar með fátækt sem felur meðal annars í sér dauða eða hindrun gegn fjölgun. 
• Fjölgun: Mannkynið fjölgar sér eins og kanínur. Ein leið til að koma í veg fyrir slíkt er að gelda fólk. Þetta er gömul hugmynd en nýjasta birtingarmyndin er sú að sannfæra börn um að þau séu í röngum líkama og að gelding sé ljómandi afleiðing þess að gera eitthvað í því.
• Hungur: Aðförin að bændum sem framleiða mikið magn matvæla er hafin fyrir löngu. Lönd þeirra eru tekin af þeim eða rekstur á landbúnaði gerður óyfirstíganlega dýr með allskyns gjöldum og reglum. Svangt fólk fjölgar sér mögulega hægar en annað, og sé ræktarsvæðið notað til að framleiða pöddur og svínafóður (oft kallar sojafæði í dag) í stað mannamatar þá hægir vonandi og væntanlega á fjölgun fólks.

Það er frekar auðvelt að spyrna við fótum í svona ástandi, en tekur stundum á sálina. 

Viltu borða svínafóður og vera endastöð í ættartré þínu? Gott og vel. Viltu það ekki? Gerðu eitthvað í því.

Athugasemdir

[Ragnhildur Kolka, 10.9.2023 kl. 20:22]

Nú

svo má brenna það inni eins og hugsanlega var gert á Maui nýleg þar sem vatnið var tekið af og fólki meinað að forða sér. Hawai er eitt af ríkjum BNA og fólkið sem missti aleigu sína fær nú $700/fjölskyldu frá alríkinu á meðan milljarður $ er sendur í stríðsrekstur í Úkraínu.

Hrægammarnir eru mættir til Maui til að kaupa upp landið undir 15 mínútna borg. 

Samsæriskenning? Veit ekki. 

[Geir Ágústsson, 11.9.2023 kl. 05:31]

Ragnhildur,

Góð viðbót.

Svo eru þeir kannski að reyna kokka upp nýjar veirur handa okkur.

Ef allt bregst má bjóða sæmilega heilbrigðu fólki líknandi meðferð.

[emil (IP-tala skráð) 11.9.2023 kl. 08:24]

Þú gleymdir að Bill Gates vill blokka sólina, það mun drepa einhvern slatta.

Eðlilegasta leiðin til að minka fólksfjölgun væri að gera öllum mögulegt að komast úr fátækt þá hefst fólksfækkun. Sjá t.d. Evrópu og Japan.

[Kristinn Bjarnason, 11.9.2023 kl. 18:37]

Hvernig var hægt að telja Íslendingum í trú um að af því að Kína og Indland gera ekkert með loftslagsmál þá muni Íslendingar stíga inn og leggja þeim mun meira til að bjarga heiminum. Er þetta ekki mikilmennsku brjálæði á mjög háu stigi? Ég sá í grein eftir Sigurð Má Jónsson að kostnaður Íslendinga vegna loftslagsmála hafi verið 55 milljarðar árið 2021 og að keyptar hafi verið kolefniseiningar fyrir 350milljónir af Slóvakíu sem er með 20% græna orku en við með 85% græna orku. Þetta er glæpamennska.

Núna skal gera Íslendinga fátæka af því að stærstu mengararnir eru ekki til í að opna veskið.

Það er engin loftslagsvá segja 1600 alvöru vísindamenn.

[Geir Ágústsson, 11.9.2023 kl. 19:38]

Kristinn,

Núna erum við ekki að hugsa í lausnum á raunverulegum vandamálum á þessum þræði. Hér er verið að spá í leiðum til að fækka mannkyninu, og margar góðar hugmyndir verið rifjaðar upp.

Er að öðru leyti sammála athugasemd þinni og spyr mig sömu spurninga.

[Kristinn Bjarnason, 11.9.2023 kl. 21:11]

Sorry, gamall vani.

Ég er ekki besti maðurinn í að benda á leiðir til að fækka fólki umfram þær sem eru í gangi núþegar. Hér kemur smá yfirlit.

1. Fjármagna Úkraínu átökin og á fleiri stöðum.

2. Sprauta meira

3. Gera fólk fátækt (vansælt fólk endist mun skemur).

4. Ekki má gera lítið úr stöðugum hræðsluáróðri sem fer mjög illa með marga.

5. Vanstilla fólk með einangrun.

Það má eflaust bæta einhverju við þetta en ég ætla ekki að gera það.

[Geir Ágústsson, 11.9.2023 kl. 21:44]

Kristinn,

Full samúð fyrir að leita í góðar lausnir á raunverulegum vandamálum. Þú komst svo sannarlega með góðar viðbætur við þennan þráð, takk!