Umframdauðsföllin

Mikil dauðabylgja sveipast nú yfir íslenskt samfélag, eins og nánast enginn fréttamiðill segir okkur frá. Umframdauðsföll eru viðvarandi yfir því viðbúna, svo misserum skiptir.

Einhverjar rannsóknir finnast á þessu fyrirbæri og tengja við örvunarbólusetningar: Nokkrum vikum eftir nýja sprautuherferð fer fólk að hrökkva upp af í hrönnum.

Ný gögn sem staðfesta þetta eru sífellt að koma upp á yfirborðið og nokkrir einstaklingar að fylgjast vel með og birta jafnóðum á ýmsum vettvangi, svo sem á fjésinu, þaðan sem þetta innlegg er fengið:

Skýring þess að umframdauðsföllin eru fleiri á Íslandi en í Danmörku og ESB er að á meðan 5% Íslendinga þáðu þriðju örvunarsprautuna létu einungis 0,8% Dana sprauta sig og í ESB/EEA var bólusetningarhlutfallið 2,4% eða helmingi lægra en á Íslandi. Bólusetningarhlutfallið er af heimasíðu Sóttvarnarstofnunar Evrópu (ECDC - European Center for Disease Control). Hærra bólusetningarhlutfall hérlendis skilaði verulega fleiri umframdauðsföllum á Íslandi en á meginlandi Evrópu. Þetta má sjá myndrænt á meðfylgjandi tveimur súluritum sem sýna vikulegan fjölda umframdauðsfalla á Íslandi og í Danmörku það sem af er árinu 2023 og mánaðarleg umframdauðsföll á Íslandi og í ESB frá maí 2022 til september 2023. Ég tek því hér með til baka og biðst afsökunar á aðdróttunum og vangaveltum þess efnis að íslensku læknarnir standi ekki jafnfætis kollegum sínum í Evrópu hvað þekkingu og hæfni varðar. Hins vegar er tímabært að þeir stígi fram og tjái sig um skaðsemi bóluefnanna og hætti að láta embætti landlæknis segja sér fyrir verkum um meðferðarúrræði við Covid.

 

Svolítið óhugnunarlegt, satt að segja, en enn óhugnanlegra er að yfirvöld æða áfram í blindni og sprauta fólk til dauða. Veggspjöld hins opinbera bjóða ekki upp á neina fyrirvara og hanga í matsölum þjónustuíbúðakjarna. Þökk sé linnulausum áróðri eru eitursprauturnar ennþá samþykktar af einhverju hlutfalli fólks - að því er virðist mun stærra hlutfalli en í flestum öðrum evrópskum ríkjum. 

Líftryggingafélög taka auðvitað eftir og hafa víða tjáð sig um blæðandi sjóði sína, en þau íslensku þora sennilega ekki að segja neitt. Útfararstofurnar kvarta sennilega ekki enda gullöld hjá þeim. Mögulega eru einhverjir biðlistar að styttast í kjölfar úthreinsunarinnar, jafnvel þótt hjartavandamál unga fólksins valdi auðvitað álagi líka (unga fólkið sem betur fer ekki sprautað lengur, en skaðinn er víða skeður). . 

Einhver af þessum stærri og ónothæfu fjölmiðlum þurfa að fara vakna. Ástandið fer að líkjast þjóðarmorði. Meðvitað eða ómeðvitað, framkvæmt af ásetningi eða óvart vegna þekkingarskorts og vanhæfni. 

Almenningur þarf líka að vakna almennilega. Það er ekki nóg að koma í veg fyrir að yfirvöld stúti eigin heilsu. Það þarf að koma í veg fyrir að þau stúti heilsu annarra líka. 

Umboðsmaður Alþingis hefur fengið ábendingu veit ég, en er það embætti ekki komið ofan í skurð?

Á þessari síðu verður haldið áfram að góla út í tómið og vonast til að einhver hlusti. Stjórnmálamenn, lögfræðingar, blaðamenn, læknar, hjúkrunarfræðingar, talsmenn tryggingafélaga, útfararstofur, prestar - einhver!

En á meðan halda einstaklingar úti í bæ áfram að fylgjast með og uppfæra súlurit hins íslenska þjóðarmorðs.

Athugasemdir

[Vagn (IP-tala skráð) 22.10.2023 kl. 13:49]

Verst fyrir andstæðinga bóluefna að engum hafi tekist að sýna fram á umframdauðsföll hjá bólusettum. Sprauturnar eiga þá sennilega að vera svo hættulegar að þær drepa ekkert færri óbólusetta. Andstæðingar bóluefna eru víst sannfærðir um að menn drepist frekar fullir á rafskútum eða í bruna iðnaðarhúsnæðis ef amma þeirra lætur sprauta sig. Þeir eru með súlurit.

[Geir Ágústsson, 22.10.2023 kl. 15:09]

Vagn,

Auðvitað sérðu ekki í gegnum þokuna, hvorki nú né árið 2020, en minnir um leið á mikilvægi þess að sölumönnum dauðans sé mætt í ræðu og riti hvar sem þeir skjóta upp kollinum.

Auðvitað hafa menn ekki opnað hvert einasta lík eftir hvert einasta dauðsfall og leitað þar að hjartabólgum og blóðtöppum. Menn hafa yfirleitt notað hin svokölluðu Bradford Hill skilyrði, sem er ekki umdeild aðferð.

Annars er ég forvitinn að heyra hvað þið ræðið þarna við kaffivélina sem mögulega skýringu á þessum langvarandi umframdauðsföllum í kjölfar sprautu, ekki bara á Íslandi heldur í Japan, Ástralíu og víðar. Óheppni? Þunglyndi? Að kóvít sé ennþá að stráfella fólk? Hver er hin opinbera lína? Ég er forvitinn.

[Vagn (IP-tala skráð) 22.10.2023 kl. 16:19]

Það þarf ekki að opna eitt einasta lík til að finna út hvort hlutfall dauðra sé hærra hjá bólusettum. Það hefur ekki verið sýnt fram á það. Aðeins fullyrt að svo hljóti að vera. Það eru öll ykkar vísindi og súlurit.

[Helgi Örn Viggósson (IP-tala skráð) 23.10.2023 kl. 00:54]

Vagn, fyllyrðingar þínar gefa til kynna að þú sért afar illa lesinn um málefnið. Þó að íslensk stjórnvöld leyni gögnunum frá okkur af ástæðu sem flestir sæmilega greindir menn gera sér grein fyrir, þá hafa sum stjórnvöld gefið út gögn þar sem dauðsföll af öllum orsökum eru aðgreind eftir C19 bólusetningarstöðu. Sem dæmi, tölur fyrir England og Wales sem hagstofan þar (ONS) gaf út í ágúst sl. fyrir fyrstu 5 mánuði 2023 sýna sama mynstur og árin 2 á undan síðan sprautuherferðin hófst, þ.e.a.s. neikvæð umframdauðsföll eru á meðal ósprautaðra á meðan sprautaðir falla í hrönnum; 96.5% sprautaðir, 3,5% ósprautaðir, þar sem hlutfall þeirra ósprautuðu er rúmlega 18%. Sömu sögu er að segja af C19-tengdum dauðsföllum, 95% þeirra voru á meðal sprautaðra. Það sem verst er að eftir að farið var að sprauta börnin í Englandi í lok 2021 fóru umfram dauðsföll á meðal þeirra upp í 22%, en voru -7% 2021. 

Sama mynstur er að finna hjá nær öllum há-bólusettum þjóðum, með eins nákvæmri tímatengingu við sprauturnar og hægt er að hugsa sér. Meinafræðileg gögn eru líka til staðar, nokkur þúsund ritrýndar greinar hafa komið út sem sýna fram á alvarlegar aukaverkanir vegna kóvid-sprautanna, þ.á.m. á annað þúsund um hvernig þær geta skaðað hjartað, rúmlega 600 um blóðtappa og heilablóðföll, fjöldi um ónæmisbælingu, tæplega 300 um taugakerfisskaða, álíka margar um skaða á æxlunarfærum, svo það helsta sé talið upp. Reyndar má segja að næg sönnunargögn felist í Pfizer skjölunum svokölluðu hvað varðar hversu banvæn þessi efni eru, sem dómstóll í BNA neyddi FDA til að leysa úr haldi, 55.000 skjöl á mánuði, í stað 75 ára leyndar eins og FDA fór fram á. Kerfisleg safngrein um útgefnar krufningarskýrslur sprautaðra sem dóu 14,3 dögum eftir sprautu að miðgildi, sýndi að óvéfengjanlega voru 74% dauðsfallana vegna sprautana (líklega var hlutfallið þó enn hærra). 

Eins og Geir bendir á hér að ofan þá eru Bradford Hill skilyrðin meira en vel uppfyllt hvað varðar orsakasamhengið m.v. fyrirliggjandi gögn.