Skrifaði Þórólfur GB yfirlýsinguna?

Í október 2020 kom út hin svokallaða Great Barrington yfirlýsing, rituð af þremur sprenglærðum og virtum vísindamönnum frá þremum af virtustu háskólum heims. Á þessum tíma voru veirutímar enn á upphafstíma sínum. Takmarkanir voru að breytast í sífellu. Fólk var sent í langar raðir til að láta prófa sig og þeir óheppnu sendir í langa sóttkví. Skólar voru að loka og grímur að breiðast út. Þolinmæði fólks var ennþá mikil. Það var jú heimsfaraldur í gangi og engin ástæða til að gera lítið úr því. Great Barrington-yfirlýsingin kom því svolítið eins og skrattinn úr sauðaleggnum, og sagði fáheyrða hluti eins og að þeim

... sem ekki eru í hættu ætti strax að leyfast að taka upp eðlilegt líf.

Einnig:

Aðgerðir til að vernda hina viðkvæmu ættu að vera meginmarkmið viðbragða gegn COVID-19.

Einnig:

Til allrar hamingju fer þekking okkar á veirunni vaxandi. Við vitum að dánarlíkur af COVID-19 eru meira en þúsundfalt hærri hjá öldruðum og veikum en ungu fólki. Raunar eru COVID-19 hættuminna börnum en margir aðrir sjúkdómar, þar á meðal inflúensa.

Skottulækningar! Ömmumorðingjar! Hvað vita þeir! 

Höfundar yfirlýsingarinnar hafa enn þann dag í dag átt í fullu fangi við að verja mannorð sitt og jafnvel störf.

En hvaðan komu svona hugmyndir? Svona brjálæðislegar hugleiðingar?

Mögulega frá fálkaorðuhafa á Íslandi, þáverandi sóttvarnarlækni Íslands, sem sagði í mars 2020 ýmislegt sem hann hætti svo að segja án þess að útskýra af hverju (áhersla mín):

„Ef við hefðum bólu­efni þá gæt­um við því sagt að við þyrft­um að bólu­setja 60-70% þjóðar­inn­ar til að verj­ast veirunni,“ sagði hann.

„En það þýðir ekki að það sé tak­mark okk­ar að 60-70% þjóðar­inn­ar muni sýkj­ast,“ bætti hann við og lagði áherslu á þenn­an punkt. Um þetta atriði væri ríkj­andi mis­skiln­ing­ur.

Ekki væri þá hægt að vita hversu marg­ir myndu sýkj­ast af veirunni.

„Von­andi verða þeir sem fæst­ir,“ sagði Þórólf­ur og minnti að lok­um á að lang­flest­ir sem smituðust af veirunni fengju væga sýk­ingu. Miklu máli skipti hins veg­ar að vernda viðkvæm­ara fólk í áhættu­hóp­um.

Þetta voru hin gömlu vísindi. Þessi með áratugi og jafnvel aldir af uppsafnaðri þekkingu á bak við sig. Nokkrum vikum seinna tóku við hin nýju kínversku vísindi sem Kínverjarnir hafa meira að segja gefist upp á í dag. 

Auðvitað skrifaði Þórólfur í október 2020 ekki Great Barrington-yfirlýsinguna (né tók undir) sem hann orðaði öðruvísi í mars 2020. Eins og Hlýði-Víðir orðaði það: 

„Það sem mér finnst alltaf hafa skipt svo­lítið miklu máli í þessu hvað við vor­um til­tölu­lega snögg að breyta til þegar kom ein­hver ný vitn­eskja og við viss­um eitt­hvað meira í dag en í gær, þá vor­um við aldrei feim­in við það að snúa við og gera eitt­hvað annað.“

Með öðrum orðum: Í stað þess að fylgja vel þekktum ferlum byggðum á uppsafnaðri þekkingu og taka tillit til þekkingar sem var til staðar í mars 2020 var gripið til fálmunar- og handahófskenndra aðgerða gegn öllu sem mögulega var talið leiða til „smita“. Enginn mátti jú smitast þótt „lang­flest­ir sem smituðust af veirunni fengju væga sýk­ingu“, svo vitnað sé í fálkaorðuhafann.

Hver er þá lærdómurinn? Jú, af þrennu tagi:

• Blaðamenn eru gagnslausir
• Stjórnmálamenn eru gagnslausir
• Embættismenn eru gagnslausir

Almenningur spyrnir lítið við fótum þegar ofangreindir hópar tjá sig. Það er því undir þeim sem þykir vænt um samfélag sitt, a.m.k. svolítið, að þola álhattastimpilinn (í myndrænni merkingu þess orðs). Og jafnvel þótt álhatturinn endi á að sýna notagildi sitt þá fer stimpillinn aldrei. Köllum hann því húðflúr. Álhattahúðflúrið. Ég er með slíkt.

Athugasemdir

[Ragnhildur Kolka, 26.2.2023 kl. 22:24]

Svo er það spurning hvað margir létust af Remdesivir meðferð hér á landi. Erlendis er verið að lögsækja sjúkrahús fyrir að hafa sett sjúklinga á þetta lyf sem gagnaðist engum. Var frekar líklegt til að drepa fólk en hitt. En af því fé til heilbrigðismála takmarkað og lyfið rándýrt þá fóru þeir kannski ekki svo margir. 

[Kristín Inga Þormar, 27.2.2023 kl. 09:19]

Allt þetta fólk sem þú nefnir hér að ofan er búið að fá sent mikið magn upplýsinga, fyrirspurna og staðreynda um þennan "heimsfaraldur", og svo "bóluefnin" þegar byrjað var að sprauta fólk, en engu var svarað.

Hvers vegna ekki, og hvers vegna var þessum "bólusetningum" ekki frestað a.m.k. tímabundið þegar fólk fór að tilkynna um aukaverkanir og/eða deyja í kjölfarið?

Þórólfur sagði að það væri bara tvennt i stöðunni, annað hvort að láta sprauta sig, eða fá Covid, og nú er blessaða margsprautaða fólkið trekk í trekk veikt, það sé ég mæta vel í mínu nærumhverfi.

Það er búið að brjóta (nánast?) öll lög sem hægt er að brjóta með þessari tilraunastarfsemi á fólki, en áfram er haldið með þessar eitursprautur, nú er verið að hvetja sérstaklega fólk um og yfir sextugu í enn fleiri sprautur.

Þetta fólk er ekki bara gagnslaust, heldur þátttakendur í stærsta glæp sem framinn hefur verið gagnvart mannkyninu.

Ég hvet vantrúaða til að kynna sér staðreyndir, og það allt annars staðar en í íslenskum fjölmiðlum eða hinu ritskoðaða Google.

[Geir Ágústsson, 27.2.2023 kl. 16:26]

Sælar,

Ekkert verður rannsakað eða gert upp og fórnarlömbin munu fá að hrekjast um í kerfinu í leit að réttlæti og skaðabótum svo árum skiptir, og margir munu gefast upp. Gildir þá einu hvað önnur yfirvöld sprautaðra þegna gera. Eina vonin er kannski sú að bandarísk rannsóknarnefnd skoli upp á yfirborðið slíkum viðbjóði og sönnunum um illan ásetning að umheimurinn getur ekki hunsað það. 

[Ragnhildur Kolka, 27.2.2023 kl. 21:29]

"Þjóðin er að eldast" hefur dunið á okkur í nokkra áratugi. Nógu lengi til að þeir sem orðunum er beint að skilji. Hefur engum dottið í hug að þessar bólusetningar séu einmitt til að rétta kúrsinn. Losa okkur við obban af þessum gamalmennum svo fólkið á "besta aldri" geti notið árangurs erfiði þeirra. Ljótt að segja, en hlýtur að vera inni í breytunni. 

[Geir Ágústsson, 27.2.2023 kl. 22:36]

Ragnhildur,

Þá hefði nú kannski verið "snyrtilegra" að gera eins og í New York: Smala sýktum gamalmennum inn á hjúkrunarheimilin og leyfa veirunni að gera sitt þar, bera svo við mistökum eða hvaðeina.