Brotkast

Þá hafa þeir sem hafa orðið fyrir brottkasti loksins fundið sér samastað: Brotkast. Þetta er ný íslensk hlaðvarpsveita sem ég hlakka mjög til að prófa. Byrjunin lofar góðu sem sést á því að ákveðnir einstaklingar eru strax orðnir brjálaðir út í eitthvað sem var sagt. Kynningartextinn á heimasíðunni er athyglisverður:

Brotkast er efnisveita þar sem dagskrárgerðarmenn eru óháðir auglýsendum og svara eingöngu til áskrifenda sinna. Þannig bjóðum við upp á heilbrigðari umræðu sem verður ekki nauðbeygð undir háværan hóp róttæklinga á Twitter.

Ekki treyst á fyrirtæki sem þora ekki að ná til allra neytenda. Engir opinberir styrkir. Bara ég og þú, venjulegt fólk, sem kaupir eða segir upp áskrift algjörlega eftir okkar hentisemi, smekk og áhuga.

Ég óska aðstandendum og þáttagerðarmönnum Brotkasts mikillar velgengni og vona að málfrelsið hafi þarna fundið sér öruggt skjól.

Athugasemdir

[Guðjón E. Hreinberg, 25.1.2023 kl. 14:21]

Eina skjól málfrelsis, er í brjóstum siðblindra borgara, ekki sannleiksboðenda stýrðrar andstöðu.

[Geir Ágústsson, 25.1.2023 kl. 15:10]

Er að sjá þetta hugtak "stýrð andstaða" víða en veit ekki hvað það þýðir.

[Ásgrímur Hartmannsson, 25.1.2023 kl. 17:55]

Stýrð andstaða, eða "controlled opposition" er þegar einhver, segjum bara þú, býr til andstæðing, sem andstæðingar þínir geta fylgt sér bakvið.

Þessi gervi andstæðingur segir svo allskyns hluti, en gerir ekkert á móti þér.

Á meðan allir óvinir þínir fylkja sér með þeim gaur eru þeir ekki að vinna gegn þér.

[Guðjón E. Hreinberg, 25.1.2023 kl. 18:13]

Stýrð andstaða, þýðir; geldingar sannleikans.