Dauðasprauturnar og 6 mánuðir

Lítum á línurit yfir sprautur á Íslandi árin 2021 og 2022:

sprautur_2021

sprautur_2022

Mikið sprautað í maí-júlí 2021 og mikið sprautað í desember-febrúar 2022.

Lítum svo á tölfræði yfir svokölluðu umframdauðsföll það sem af er ári 2022 í grein undir þeirri einkennilegu fyrirsögn Covid-19 andlát á Íslandi:

deaths2022

Um þetta segir landlæknir: 

Eins og sjá má ... var heildarfjöldi andláta á Íslandi af öllum orsökum óvenju mikill í mars 2022 (rauð lína). Andlát í júlí 2022 voru einnig mörg miðað við meðaltali fyrri ára en á þessu tímabili gengu yfir tvær stærstu bylgjur Covid-19 ... 

Covid-andlát, auðvitað!

Alls hafa 219 manns látist hérlendis frá 2020, beint af völdum Covid-19 eða Covid-19 var meðvirkandi þáttur andláts. Andlát er flokkað sem Covid-19 andlát ef viðkomandi lést á innan við einum mánuði eftir smit og læknir skráir Covid-19 sem orsök eða sem meðvirkandi þátt á dánarvottorð.

Sem sagt, þegar vægasta afbrigðið gekk yfir eitt sprautaðasta samfélag heims þá dóu margir. Og toppurinn í sumar, þegar veðrið er skárra en yfirleitt? Líka Covid-19 andlát.

Maður fer að halda að þessar sprautur hafi neikvæða virkni! Og uppfærða glundrið virðist svo sannarlega ekki lofa góðu.

Fyrri toppurinn kom um 6 mánuðum eftir sprautur sumarsins 2021. Seinni toppurinn kom um 6 mánuðum eftir sprautuherferðina í desember-janúar. Skiptir það máli? Nei, auðvitað ekki! Vægasta afbrigðið gekk yfir þrísprautað samfélag um hásumar og bjó til þvílíkan kúf af umframdauðsföllum að slíkt hefur varla sést áður. Og heimsfaraldursárin svokölluðu blikna einfaldlega í samanburðinum. 

Á í alvörunni að reyna telja okkur í trú um þessa þvælu? Og bjóða upp á enn fleiri sprautur? Kemur ný dauðabylgja næsta janúar, 6 mánuðum eftir sprautuherferð haustsins? Verður hún skrifuð á veiru sem herjaði á fjórsprautað samfélag? Verður því haldið fram að dauðabylgjurnar tvær í ár megi skrifa á skort á takmörkunum? Því að ungt fólk, margt hvert tvísprautað og allt fjarri því að vera í hættu vegna veiru, fékk að leika lausum hala? Því að sprauturnar virkuðu nákvæmlega ekki neitt og því þurfi fleiri slíkar? 

Örugglega, og veit slíkt ekki á gott þegar menn fálma eftir afsökunum til að skella öllu í lás aftur. Nema menn séu loksins komnir á botninn á ríkissjóði og þurfi einfaldlega að biðja fólk um að styrkja ónæmiskerfi sitt.


« Síðasta færsla | Næsta færsla »

Athugasemdir

1 Smámynd: Ómar Geirsson

Blessaður Geir.

Þú veist að þú ert dálítið bilaður í þessari færslu þinni, ég veit að það er hluti af áróðri að láta tilgang helga meðalið, en eru ekki mörk á að hafa dauðann í flimtingum??

Kóvid er banvænn sjúkdómur, jafnvel fífl vita það, jafnvel mikil fífl, sem þú ert ekki Geir, hvorki fífl eða mikið fífl. 

Eftir stendur því bara áróðurinn, tilgangurinn sem helgar meðalið.

Sóttvarnir lokuðu á samskipti fólks, sérstakleg var fólk á stofnunum eða heimilum aldraða kúttað frá umheiminum.  Þess vegna fékk það ekki einu sinni umgangspestir, þetta náttúrulega ferli sem er oft skráð í dánarvottorð, en er í raun að deyja úr elli, því úr einhverju þurfum við að deyja þegar frumurnar eru hættar að endurnýja sig og hægfara hrörnun tekur við sem endar alltaf á einn veg.

Við deyjum.

Þegar aftur var opnað, þá tók þetta náttúrulega ferli við, og engar sprautur í heiminum geta stöðvað það ferli, hvort sem sprautan er við kvefi, flensu eða kóvid.

Flensan 2016 lék marga grátt í minni fjölskyldu, mjög grátt svo mörg hafa ekki verið söm á eftir, en ég er ekki svo heimskur, þó ég geti stundum verið óttalegt fífl, að kenna flensusprautunni um andlát pabba.

Sprautur gagnast þeim sem hafa meiri mótstöðu, og sýkjast af veiru sem mótefnið virkar á. 

Við vorum mörg sem fengu kóvid í sumar, og við vorum mörg sem vorum lengi að jafna okkur.  Í minni fjölskyldu slapp móðir mín best, enda þá nýkomin með fjórðu sprautuna, en fjórða sprautan bjargaði ekki þeim öldruðu á hjúkrunardeildinni sem voru komin á tíma.

En mamma gamla, sem verður níræð í febrúar á næsta ári, hún tók kóvidinu eins og hverri annarri kvefpest, þú hún kenni pestinni um að hún hætti að baka skúffuköku handa sonum mínum í kjölfarið, segir að hún sé svona verklausari á eftir, en við hin vitum að það hefur meir með fínstillingu á hjartalyfjum hennar að gera.

Maður rífst ekki við dauðann Geir, þegar tímaglasið er uppurið, þá er hann áhjákvæmilegur, að kenna sprautum þar um, er eiginlega fyrir neðan virðingu vitiborins fólks.

Þó það vilji herja og höggva.

Hins vegar er það fagleg heimska hjá heilbrigðisyfirvöldum að kenna kóvid um hið óhjákvæmilega, en þeirra heimska þarf ekki að vera okkar.

Nóg er nú samt af henni í heiminum í dag.

Kveðja að austan.

Ómar Geirsson, 8.11.2022 kl. 18:48

2 Smámynd: Geir Ágústsson

Ómar,

Takk fyrir athugasemdina.

Ég gantast ekki um dauðann. Ég á foreldra um og yfir sjötugt og vona svo sannarlega að sprauturnar sem þeir taka núna reglulega séu að gera meira gagn en ógagn, að þeir séu að fá gallalausar lotur af efnunum eða saltlausn eða séu einfaldlega að brjóta niður broddpróteinið eins og hönnunin segi til um. Vonandi!

En þetta er orðið gott. Veiran er orðin að kvefpest og dánartíðni hefur fyrir langflesta aldurshópa aldrei verið meiri en fyrir árlega flensu. Við forðumst heldur ekki dauðann, eins og þú bendir á, en tilraunir til þess veikja ónæmiskerfi okkar eins og sófahangs veikir líkamann og vöðvana. Kannski eru sprauturnar að drepa, kannski venjulegar umgangspestir sem hefðu hrunið af sterkari ónæmiskerfum.

Það má alveg kalla mig fífl, eða eins og þú: Að kalla mig ekki fífl en segja að ég hagi mér eins og slíkt. En mér er mikið í mun að segja það sem mér liggur á hjarta og þótt ég þiggi með þökkum svolítinn mótvind þá finnst mér sjálfsagt að flagga möguleikum. Það er ekki eins og öll heimsins lyf og bóluefni hafi reynst góð þegar öll kurl eru komin til grafar - auk þeirra sem þáðu þau!

Geir Ágústsson, 8.11.2022 kl. 19:31

3 identicon

Verst fyrir sprautuandstæðinga að það sé ekkert sem segir að umframdauðsföllin séu meðal sprautaðra. Þó margir þjóðfélagsþegnar hafi verið sprautaðir þá voru ekki allir sprautaðir og umframdauðsföllin gætu því öll verið hjá hinum ósprautuðum. Sérstaklega þar sem stórar bylgjur covid, hættuminna afbrygði en ekki hættulausu, gekk yfir þjóðfélagið á þeim tíma sem topparnir í andlátum komu. Línuritin gætu því eins verið að sýna hvernig sprautaðir voru varðir í þeim covid bylgjunum og lifðu af en ósprautaðir féllu í stórum hópum, vilji menn endilega draga ályktanir án allra upplýsinga sem til þess þarf og skálda í eyðurnar eins og sprautuandstæðingar hafa gert.

Geir, eins og svo oft áður þegar um grafíska framsetningu gagna er að ræða þá skortir þig mikið upp á læsi. Þær ályktanirnar sem þú dregur af línuritunum er einfaldlega ekki hægt að draga af línuritunum. Það er ekkert sem tengir línuritið yfir umframdauðsföll við línuritið yfir bólusetningar. Ekkert sem segir að einhver umframdauðsföll hafi verið í hópi bólusettra. Þau gætu rétt eins öll legið hjá óbólusetum.

Vagn (IP-tala skráð) 8.11.2022 kl. 19:38

4 Smámynd: Ómar Geirsson

Geir, það er ekkert að því að kalla þig fífl, eða þaðan af verra, breytir samt ekki staðreyndum, að þú ert það ekki.

Svar þitt var efnislegt, þarft umlegg í umræðuna.

Pistill þinn sem ég gerði athugasemd var það ekki.

Kveðja að austan.

Ómar Geirsson, 8.11.2022 kl. 19:42

5 Smámynd: Geir Ágústsson

Vagn,

Væri ekki ráð að landlæknir fari á ný að kynna sér bólusetningarstöðu látinna á Íslandi svo það sé hægt að útiloka að hann sé að fela beinagrindur í skápnum?

Geir Ágústsson, 8.11.2022 kl. 19:58

6 identicon

Það hefur verið gert og niðurstaðan var að sprauturnar vernda. Að endurtaka þá skoðun í hvert sinn sem einhver les vitlaust úr línuritum, viljandi eða af þekkingarleysi, er ástæðulaust.

Vagn (IP-tala skráð) 8.11.2022 kl. 20:54

7 Smámynd: Þórdís Björk Sigurþórsdóttir

Vagn, óskað var eftir bólusetningastöðu þeirra covid látnu, einmitt til að hafa þetta á hreinu, en hann segist ekki hafa þessar upplýsingar lengur, en hafði hér áður þegar því var sérstaklega flaggað að viðkomandi hafi verið óbólusettur. Nánast 100% eru bólusettir í hópnum 70 og eldri og það er fólkið sem er aðallega að deyja af covid. Og einnig kom í ljós að embættið veitti rangar upplýsingar um hvað væri að vera ÓBÓLUSETTUR. Kamilla sagði síðar að það væri meira heldur en aðeins að hafa enga sprautu fengið. 

Þórdís Björk Sigurþórsdóttir, 8.11.2022 kl. 21:03

8 Smámynd: Þórdís Björk Sigurþórsdóttir

Vagn, samantektina á svörum ofl. er að finna hér:

https://frettin.is/?s=landlæknisembættið

Þórdís Björk Sigurþórsdóttir, 8.11.2022 kl. 21:05

9 Smámynd: Þórdís Björk Sigurþórsdóttir

p.s. Vagn, geturðu reddað þessum bólusetningastöðu upplýsingum frá embættinu?  

Þórdís Björk Sigurþórsdóttir, 8.11.2022 kl. 21:06

10 identicon

Geir, þegar þú segir að það rennur vatn úr krananum þegar þú skrúfar frá þá segja sumir það sé ekki öruggt og það eru engar vísbendingar eða rannsóknir sem sýna fram á það. Þrátt fyrir að fólk hrynji niður í kring um okkur af sprautunum þá eru engar vísbendingar eða rannsóknir sem sýna fram á það. Þetta er afleiðing af heilaþvotti og Yuri Bezmanov útskýrði þetta vel hvernig þetta er gert árið 1984 sem hægt er að skoða hér.

https://www.youtube.com/watch?v=d9CJmvBXNTc

Kristinn Bjarnason (IP-tala skráð) 9.11.2022 kl. 08:18

11 identicon

Tölurnar segja bara allt annað. Miðað við Svíþjóð eru umfram dauðsföll miðað við fólksfjölda svipuð sem sýnir að þau eru vegna Covit en ekki vegna bólusetningar gegn sjúkdómnum þar sem Svíar bólusettu minnst allra. Eini munurinn er að vegna þess að bólusett var hér var verið að gera það að verkum að hæga á faraldrinum svo heilbrigðiskerfið réði við ástandið.

Jósef Smári Ásmundsson (IP-tala skráð) 9.11.2022 kl. 08:49

12 Smámynd: Ragnhildur Kolka

Dr. John Campbell í Bretlandi er nýbúin að kynna niðurstöður frá Ísrael þar sem sýnt var framá að engin tengsl fóru milli hópa sem fengu Covid og sem ekki fengu Covid hvað varðar hjartavefs-/gollurhúss bólgu. Úrtakið var 700 þúsund og enginn hafði verið bólusettur. Aukin tíðni þessara sjúkdóma, sérstaklega hjá yngri aldurshópum hlýtur þá að skýrast af einhverju öðru.

Það væri beinlínis glæpsamlegt að rannsaka ekki hvort bóluefnasprauturnar eigi þátt í aukningunni. Eins og landlæknir svarar fyrirspurnum mætti ætla að hann álíti Covid og bólusetningarnar ekki koma sér við. En aukin dánartíðni er á hans borði og hhonum ber að svara þessum spurningum.

Ragnhildur Kolka, 9.11.2022 kl. 18:03

13 Smámynd: Ómar Geirsson

Meinið og málið er Ragnhildur að þetta er klár lygi, og það er ljótt að ljúga, sérstaklega þegar ætlast er til að aldurinn geri mann virðulegri.

Kannski það versta við þessa lygi er að þú telur Gerir vera fífl, að hægt sé að segja honum hvað sem er, án þess að hann sannreyni og tékki á staðreyndum.

Sussum, sei.

Kveðja að austan.

Ómar Geirsson, 10.11.2022 kl. 16:37

14 Smámynd: Ragnhildur Kolka

Hvaða aldursfordómar eru þetta Ómar? Mega gamlingjar ekki lengur hafa skoðun á málum sem hugsanlega flýtir dauða þeirra?

Og Nákvæmlega hvað er klár lýgi? Að engin tengsl séu milli hjartasjúkdómanna og covid í >700 þúsund einstaklingum? Ísraelar eru fremstir meðal þjóða á sviði vísindarannsókna og þeir fengu líka umframdauðabylgju eftir boosterana. Eflaust er þessi rannsókn aðeins byrjunin, ætlað að kanna/útiloka áhrif Covid í þessum undarlega skyndidauða, ekki bara gamalmenna heldur ekki síður ungs fólks í blóma lífsins.

Eða er þér svo annt um embætti landlæknis að ekki megi gera meiri kröfu til þess en að mæta í viðtöl með yfirlýsingar sem ekki má draga í efa. Ertu búin að gleyma að í vikunni sem bólusettningar hófust létust 5 einstaklingar sem fóru svo "heppnir" að fá að vera fremstir í röðinni. Þá var sagt: nei,nei, gamalt fólk er alltaf að deyja. Málið er að fólk deyr umvörpum eftir að hafa fengið boosterana. Ég er ekki að segja að boosterarnir drepi fólk eins og byssukúlur, en það geta verið samverkandi þættir að verki. Enginn segir mér, ekki einu sinni landlæknir, að omicronafbrigðið hafi drepið margfalt fleiri en deltaafbrigðið sem lagðist sérlega þungt á gamalmenni. Ég fékk omicron Covid og hristi það af mér á fjórum dögum og er þó á níræðisaldri aldri. Öll gamalmenni sem ég þekki voru bólusett fyrir delta fengu samt omicron Covid og hristu það af sér á nokkrum dögum.

Það er ekki eðlilegt að fólk detti niður dautt innan nokkurra vikna eftir að hafa fengið boosterinn. Mér er til efs að krufningar hafi farið fram á þessum einstaklingum, því nánast engar krufningar eru framkvæmdar nútildags vegna skorts á meinafræðingum. Þeir hafa líklega nóg með að snúast í að kryfja sjálfsvíg og dauðsföll í heimahúsum og ekkert þar fram yfir. 

Þegar ég tala um að það sé nánast glæpsamlegt að upplýsa ekki fólk um bólusetningartölfræðina á bakvið öll þessi andlát á árinu, þá á ég við að fólk eigi rétt á upplýstu samþykki þegar utanaðkomandi efni er sprautað í það.

Ég,í það minnsta, þigg ekki meira af þessu guttli sem aldrei var fullrannsakað áður en það var sett á markað til að mala gull oní vasa lyfjarisanna - og stjórnmálamannanna og opinberu embættismannanna sem áttu að gæta hagsmuna okkar.

Ragnhildur Kolka, 11.11.2022 kl. 00:39

15 Smámynd: Ómar Geirsson

Blessuð Ragnhildur.

Fyrirgefðu þá aldursfordóma að ætla eldra fólki að fara ekki rangt með.

Þetta er lygi; "engin tengsl fóru milli hópa sem fengu Covid og sem ekki fengu Covid hvað varðar hjartavefs-/gollurhúss bólgu."  Ein meginástæða þess að hvað kóvi er hættulegt, er einmitt árás vírusins á mikilvæg líffæri eins og hjartað, hefðum við ekki notið nútíma læknavísinda þá hefðum við upplifað margfalt fleiri dauðsföll af völdum veirunnar en þó varð.

Ef út í það er farið þá er það líka rangt hjá þér að fólk hafi stráfallið eftir að það fékk í sig sprauturnar, um það eru engin gögn eða rannsóknir.

Að hafa skoðanir eða annað er sjálfsagður hlutur, en með staðreyndir á fara rétt með.

Kveðja að austan.

Ómar Geirsson, 11.11.2022 kl. 07:19

16 Smámynd: Ragnhildur Kolka

Ómar, mér er næst að halda að þremenningarnir sem høfðu það hlutverk að smala fólki í bólusetningar hafi haft þig sem heimild. 

Ragnhildur Kolka, 11.11.2022 kl. 08:44

17 Smámynd: Geir Ágústsson

Ómar, hugrakka sál, þú skrifar,

'Ef út í það er farið þá er það líka rangt hjá þér að fólk hafi stráfallið eftir að það fékk í sig sprauturnar, um það eru engin gögn eða rannsóknir.'

Læt það bara standa í bili.

Geir Ágústsson, 11.11.2022 kl. 22:15

18 Smámynd: Ómar Geirsson

Blessaður Geir, var tímabundið í burtu við að sannreyna að það er ekki síðra fyrir herðabreiðan Íslending að versla á Oxford Akureyri en Oxford London.

Já Geir, það eru engar rannsóknir og þú vitnar í engar rannsóknir, aðeins línurit án nokkurrar sannaðra fylgni eins og félagi Vagn reyndi mjög svo kurteislega að benda þér, svona miðað við hann.

Það var vitað að þegar stærsti hluti eldra fólks var settur í stífa einangrun frá umhverfi sínu, að þú myndi hið eðlilega samspil umhverfispesta og þess að úr einhverju þarf fólk að deyja, raskast.  Sem þýddi færri dauðsföll af völdum til dæmis illvígs kvefs, lungnabólgu eða gömlu góðu flensunnar.  Við afnám þessara sóttvarna var ljóst að bæði myndi þetta samspil verða eðlilegt á ný sem og það var innistæða hjá dauðanum sem hann gat loksins innheimt, fólk sem við eðlilegar aðstæður, það er ekki þessar sóttvarnir, hefði látist, þess tími náttúrulega kom við fyrstu pestina (sem oftast var kóvid því Kínaflensan var ennþá lokuð inní Kína) auk þess að þeir fóru sem voru komnir á tíma.

Það hefðu alltaf orðið umframdauðsföll, og þeir sem trúa á Samsærið en ekki þekkinguna, gátu tengt þessi dauðsföll við sitt "Samsæri".  Ef þú skyldir ekki vita það, þá fjölgaði flugferðum mjög, en Djúpríkið í samstarfi við stórfyrirtæki dreifir eitruðum ál-ögnum (djóklaust, það er fullt af fólki sem trúir þessu)í útblæstri þeirra.  Eða var það 5-G möstrin, þeim fjölgaði mjög síðustu 2 árin og eru þegar farin að stráfella gamla fólkið, og bráðum kemur að okkur hinum; Búúuuuu.

Eða svo ég smíði eina, eftir kóvid snarfjölgaði neysla landsmanna á Kjörís, sem er ekki ís, heldur eitthvað vegan drasl. Vegan er stórhættulegt, sjáið bara allt gamla fólkið sem dó.

Þetta er það fyrsta sem þú lærir í tölfræðinni Geir, að það sé sönnuð fylgni á milli línurita, jafnvel ég held að þú sért ekki svo djúpt sokkinn í Samsærið að þú teljir að fjölgun sprauta skýri hin snarhækkuðu slysatíðni eftir afléttingu sóttvarna.

En það er örugglega einhver þarna úti nógu bilaður til að trúa því.

Ég skil hins vegar að þú skulir láta þetta standa í bili, skynsamur maður veit þegar hann hefur engin rök í höndunum.

Síðbúnar kveðjur að austan.

Ómar Geirsson, 14.11.2022 kl. 08:19

19 Smámynd: Ómar Geirsson

Blessuð Ragnhildur.

Þetta er svona meinið við þig, sem og marga sem aðhyllast Samsærið, þú ljáir skoðunum þínum þekkingarblæ með því að vitna í eitthvað eða einhvern sem á að vera vísindaeitthvað, það er reyndar ekki meinið heldur lenskan hjá þeim sem vita að þeir eru að bulla, meinið er að þú slærð fram en verð ekki hina meintu þekkingu þína.

Það dugði ekki einu sinni að bera uppá þig beina lygi þó einhver Campell væri hafður fyrir henni.

Ég hafði hins vegar lúmskt gaman af andmælum þínum, enda ertu mælsku- og rökpenni hinn besti.  En ekkert kom um að einhver flugufótur væri fyrir beinu lyginni hans Campels enda átti ég ekki von á því, sumt er bara svo rangt að ekki er einu sinni hægt að finna flugufótinn.

Þú hefðir hins vegar átt að halda þig við venjuna og láta fyrstu andmælin vera þau einu, þau seinni eru í ætt við það sem kemur frá vitleysingahjörðinni sem hvorki ræður við rök eða penna, þeirra mörk ræðst við einfaldar fullyrðingar.

Það er bara svo.

Kveðja að austan.

Ómar Geirsson, 14.11.2022 kl. 08:54

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Innskráning

Ath. Vinsamlegast kveikið á Javascript til að hefja innskráningu.

Hafðu samband