Hjarðónæmi

Endursmit! Bóluefni! 

Já, trommuslátturinn er byrjaður aftur, á fullu. Okkur stafar víst mikil hætta af veiru og haustið á að verða nýtt spraututímabil. 

Kaupir þetta einhver?

COVID-19 er núna orðinn landlægur sjúkdómur og samfélagið hefur byggt upp hjarðónæmi gegn honum. Það þýðir ekki, eins og WHO heldur fram, að enginn smitist. Það þýðir einfaldlega að við erum flest með einhverjar náttúrulegar varnir í ónæmiskerfi okkar sem mætir endursmiti með skilvirkum hætti og kemur í veg fyrir alvarleg veikindi. 

Nú fékk ég t.d. COVID-19 í janúar og börn mín nokkrum vikum seinna, eitt á eftir öðru, og dældu á mig veirum með hósta og hori á meðan þau fundu fyrir veikindum (í 1-2 sólarhringa). Ónæmiskerfi mitt fann ekkert fyrir þeim endursmitum. Nú er að vona að ég komist í tæri við veiruna sem fyrst til að halda ónæminu við. Þannig legg ég mitt af mörkum til hjarðónæmisins. Með endursmiti. Sem er gott.

Ef yfirvöld reyna hins vegar að koma í veg fyrir endursmit á mér þá veikja þau ónæmiskerfi mitt og grafa undan hjarðónæminu. Við færumst þá nær byrjunarreit þar sem veiran finnur sér í sífellu nýja einstaklinga sem veikjast mikið, framleiða margar veirur og koma þeim áleiðis á þá með veikt ónæmiskerfi, svo sem aldraða.

Endursmit er gjöf. Ekki láta sprauta það frá þér!

Endursmitum hérlendis hefur fjölgað verulega

Athugasemdir

[Kristín Inga Þormar, 20.7.2022 kl. 18:50]

Á sínum tíma sagði Þórólfur að það væri bara tvennt í stöðunni, annað hvort að láta bólusetja sig, eða fá Covid.

Og fólk trúði honum og treysti og hljóp í tvær sprautur, svo þá þriðju, og einhverjir í þá fjórðu.

Og nú eru mikil veikindi í gangi um hásumarið, hvernig getur staðið á því? Er ónæmiskerfi fólks orðið eitthvað laskað eftir endurteknar sprautur?

Og nú íhugar hann endurbólusetningar í haust! Ljóta ruglið, vonandi fer áhugi fólks á þessu sprautusulli þverrandi núna, og það hætti að taka þátt í þessu.

Skaðinn eftir þessar sprautur er orðinn allt of mikill nú þegar.

[Ragnhildur Kolka, 20.7.2022 kl. 21:58]

Þetta er ekki alveg svona einfalt. Við sem vorum bólusett a fyrstu mánuðum 2021 vorum varin fyrir Wuhan og delta afbrigðin (þ.e.a.s ef við mynduðum mótefni á annað borð). Við sem sýktumst í jan og feb sýktumst af omicron sem var með breytt broddprotein sem við höfðum ekki verið bólusett gegn.

Þegar Þórólfur ræðir þessa hluti gerir hann það á eins einfaldan hátt og hægt er til að a) fá fólk í bólusetningu og b) til að hafa boðskapinn sem einfaldasta. Hann hefur lært lexíu á umræðunni um fiskabúrshreinsirinn sem tröllreið öllu. Vísvitandi og af illgirni. 

Læknar þurfa að passa sig hvað og hvernig þeir tala við sjúklinga. En svo má líka halda því fram að hann hafi haft trú á bóluefnunum og/eða trúað lyfjafyrirtækjum og langhundunum sem stjórnuðu umræðunni í BNA. Það er ekki við Þórólf að sakast að bæði Fauci og Brix lugu upp í opið geðið á heimsbyggðinni. Á hinn bóginn hefði læknastéttin mátt sýna meiri gát og gefið efasemdaröddum meiri gaum. Því allt frá sumrinu 2021 sáu þeir sem sjá vildu að bóluefnin stóðu ekki undir væntingum og voru í sumum tilvikum banvænni en sjúkdómurinn sjálfur. 

[Sigurður Kristján Hjaltested, 21.7.2022 kl. 03:16]

Klippt úr grein eft­ir Arn­ar Þór Jóns­son

"Lyf­in hindra ekki smit; óvissa rík­ir um end­ing­ar­tíma þeirra, auk þess sem vís­bend­ing­ar eru nú komn­ar fram í Kan­ada og Hollandi um að tvísprautaðir séu lík­legri til að leggj­ast inn á sjúkra­hús vegna C19 en ósprautaðir og auk þess lík­legri til að deyja úr C19. Sama töl­fræði bend­ir til að þrísprautaðir séu álíka lík­leg­ir til að leggj­ast inn á sjúkra­hús og ósprautaðir, en auk þess jafn lík­leg­ir til að deyja vegna C19. Þess­ar töl­ur eru ald­urs­leiðrétt­ar hlut­fallstöl­ur, þ.e. fjöldi í hverj­um hópi skipt­ir hér ekki máli"

Fyrir hverju var þá sprauað í upphafi ef virknin er ekki meiri.?

[Jónatan Karlsson, 21.7.2022 kl. 06:48]

Sjaldan lýgur almannarómur.