Bólusettir smitarar

Dönsk yfirvöld eru byrjuð að ókyrrast. Metfjöldi smita! Nýtt afbrigði! Við þurfum fleiri sprautur! Spítalarnir að springa!

En bíðum nú við, virka bóluefnin? Virka þau á ný afbrigði? Við vitum það ekki og þú skalt því láta sprauta þig.

En stöðva þau smit og hefta smitúbreiðslu? Nei, en þú skal því láta sprauta þig.

Eru allir í áhættu og þurfa lyf til að verjast veiru? Nei, en láttu samt sprauta þig og auðvitað litlu börnin þín líka.

Hverjir eru að smitast? Jú, litlir krakkar sem finna sennilega ekki fyrir neinu og fólk á vinnualdri sem er yfirgnæfandi sprautað og jafnvel þrísprautað.

Hvað skýrir þessa miklu smitútbreiðslu meðal bólusettra? 

Á hverjum degi deyja um 150 Danir og ekki að sjá að ein tiltekin veira hafi haft nein afgerandi áhrif seinustu vikur.

Ekki er heldur að sjá að ein tiltekin veira sé að hafa afgerandi áhrif á bráðainnlagnir á danska spítala. 100 innlagnir á dag eru í stærðargráðunni 5% af venjulegum fjölda. Og allt í klessu!

Auðvitað er veiran slæm fyrir suma og leitt að bóluefnin séu ekki að virka sem skyldi. Nógu miklu er jú búið að kosta til að bólstra sjóði lyfjaframleiðenda og nógu mikið er búið að slaka á kröfum um öryggi til að vona það besta. 

En róleg nú! Sprauturnar virðast bara valda kæruleysi og aukinni útbreiðslu. Sprautur í krakka eru eigingirni þeirra eldri og hræddu. Endalausar prófanir á skólakrökkum eru skjalfest tímasóun. Vottorð sem sýna fram á sprautur eða neikvæð próf hjálpa ekki heilbrigðiskerfinu. 

Við þurfum að dusta rykið af gömlu góðu sóttvörnunum: Styrkja heilbrigðiskerfið, sleppa því að heimsækja ömmu á hjúkrunarheimilið með hor í nös og hósta, þrífa á okkur hendurnar og halda sjálfum okkar við og í lagi, t.d. með því að taka lýsi.

Sýnum í leiðinni gott fordæmi og höfnum sprautunum og sendum þær frekar til veikburða einstaklinga í fátækjum ríkjum ef ske kynni að þær virki.

Og höldum gleðileg jól í stórum og smáum hópum þar sem allir faðmast og heilsast.

Metfjöldi smita í Danmörku

Athugasemdir

[Þorsteinn Sch Thorsteinsson (IP-tala skráð) 2.12.2021 kl. 11:18]

Sæll Geir,

"Bólusettir smitarar"

Fully Vaccinated Are COVID Super-Spreaders, Says Inventor of mRNA Technology

[Rúnar Már Bragason, 2.12.2021 kl. 11:20]

Miðað við þetta graf þá er skrýtið að spítalarnir fari á hliðina en hins vegar má spyrja: Af hverju er verið að eyða svona mikilli orku í covid-19 smitin þe. örugglega 10x meira en öðrum smitsjúkdómum? Það eru sérdeildir, sér hlífðarbúningar og líklega bara sérhæft fólk sem getur sinnt þessu.

Mjög skrýtin nálgun á þessu.

[Þorsteinn Sch Thorsteinsson (IP-tala skráð) 2.12.2021 kl. 11:28]

"Vaccination Causes Covid Variants"

https://www.paulcraigroberts.org/2021/11/29/vaccination-causes-covid-variants/?fbclid=IwAR1s9aAC6bNALtnM1TKvZlkNUftuP1POPMu8OmDxezaMRNujECKqMWQjUHA

[Kristinn Bjarnason (IP-tala skráð) 2.12.2021 kl. 16:49]

Ég hef ekkert vit á rekstri spítala en það verður að vera hægt að gera betur til að losna við vírusinn. við losnum ekki vírusinn nema að láta hann ganga yfir. Það hljóta allir með einhverju vita að átta sig á því að sprauturnar viðhalda vírusnum. Það eru gífurleg smit þar sem nánast allir eru sprautaðir. Geta stjórnvöld endalaust sagt að sömu aðferðir muni skila annarri niðurstöðu. Það er deginum ljósara að 3ja sprautan skilar engum árangri en sama fólkið mætir aftur og aftur. Mér sýnist að það þurfi að skipta um fólk í brúnni því það eru engar lausnir upp á borðinu. Á ég að trúa því að fólk sé sátt við að lifa lífinu með þessum hætti? Núna þurfa allir að standa saman bæði bólusettir og óbólusettir til að stöðva þetta rugl. Ef yfirvöld komast upp með að setja bólusetningarskyldu á þá sem eftir eru þá munu allir missa frelsið sitt innan skamms.

HVERSU MIKIÐ RUGL ER ÞAÐ AÐ SKYLDA FÓLK TIL AÐ SPRAUTA SIG MEÐ TILRAUNAEFNI TIL AÐ FORÐAST VÍRUS SEM ER EKKI HÆTTULEGRI EN VENJULEG FLENSA. 

[Kristín Inga Þormar, 2.12.2021 kl. 22:28]

Nú vilja Þórólfur og Kári fara að sprauta 5-11 ára krakka með þessum eiturefnum sem búið er að sanna að geti verið stórskaðleg fyrir alla.

Hvað gengur þessum mönnum til, sóru þeir ekki einhvern tímann eiðinn "Fyrst, ekki skaða"?

[emil (IP-tala skráð) 3.12.2021 kl. 07:45]

Fólk þarf bara að passa sig sjálft og sinna eigin forvörnum eftir smekk.

Ég t.d. létti mig um 60kg fyrir 3 árum og hef ekki veikst síðan, besta sem ég hef gert.

Ætli þetta endi ekki eins og með inflúensu, það verða árlegar haust bólusetningar í boði fyrir þá sem vilja.

[Halldór (IP-tala skráð) 3.12.2021 kl. 08:12]

@Emil, mér þykir það nú rosaleg bjartsýni að þú teljir að þetta verði "í boði fyrir þá sem vilja", þessu verður örugglega troðið upp á okkur tvisvar á ári hvort sem við viljum það eður ei.