En heppilegt

Leyni­leg auðæfi og viðskipti þjóðarleiðtoga, stjórn­mála­manna og viðskipta­jöfra hafa verið gerð op­in­ber í ein­um stærsta leka á fjár­má­la­upp­lýs­ing­um í sög­unni. Blaðamenn BBC, Guar­di­an og fleiri miðla leiddu rann­sókn á yfir 12 millj­ón­um skjala frá 14 fjár­mála­stofn­un­um í m.a. Panama, Kýp­ur, Singa­pore, Sviss og Sam­einuðu ar­ab­ísku fursta­dæmun­um. 

Sem betur fer sluppu allir starfandi stjórnmálamenn á Vesturlöndum (Pútín svolítið ósnertanlegur sama hvað) við alveg rosalega óvænta afhjúpun, þ.e. þeir sem njóta velvildar BBC, Guar­di­an og fleiri miðla af því tagi.

Því nú skulum við hafa eitt alveg á hreinu: Á hverjum degi er hrópað og kallað á meiri ríkisumsvif. Til að koma þeim á þarf valdameira ríkisvald. Fáir einstaklingar fá þannig meiri völd. Peningar sogast að valdi. Fái stjórnmálamaðurinn ekki peninginn núna í formi mútugreiðslna fær hann þá seinna í formi vænna þóknana fyrir að halda svolitla ræðu sem enginn man síðan eftir.

Að meiriháttar rannsókn BBC, Guar­di­an og fleiri miðla hafi ekki afhjúpað neinn sem situr á fundum í dag og ræðir ellilífeyri sinn við stórfyrirtæki kemur ekkert á óvart. Kannski afhjúpanir seinni tíma, þegar uppáhaldsfólk BBC, Guar­di­an og fleiri miðla er hætt að vinna dagvinnu, leiði annað í ljós.

Leynileg auðæfi þjóðarleiðtoga gerð opinber

Athugasemdir

[Jón Steinar Ragnarsson, 3.10.2021 kl. 20:53]

Soros og mediamatters stjórna þessum miðlum. Soros vill gera það sa,a við ameríku og hann gerði með pundið forðum. Það er hans strategía.

[Guðmundur Ásgeirsson, 3.10.2021 kl. 22:13]

Er Tony Blair þá ekki í náðinni hjá þeim?

[Ingibjörg (IP-tala skráð) 3.10.2021 kl. 22:22]

Loksins ertu búinn að leiðrétta latínuna hjá þér!

[Grímur Kjartansson, 4.10.2021 kl. 06:38]

Það er ekkert ólöglegt við að stofna skúffufélag hvort sem er á Tortola eða hjá Kaupþingi eins og gert var en vissulega er verið að leyna eignum og/eða komast hjá að greiða gjöld til ríkisins og á þessum lista var alskyns fólk úr öllum stigum þjóðfélagasins.

[Geir Ágústsson, 4.10.2021 kl. 07:37]

Það kemur mér fyrst og fremst á óvart að BBC, Guardian og aðrir miðlar hafi látið eitthvað koma sér á óvart. Auðvitað á Tony Blair feita sjóði. Hann heldur ræður fyrir svimandi fjárhæðir og auðvitað leggur hann þær inn á bankabækur sem varðveita þá frekar en féfletta hann. Auðvitað.