Eru jöklarnir ekki að bráðna?

Vatnshæð í Þórisvatni mælist mun lægri nú en á sama tíma í fyrra. Bæði virðist það stafa af lítilli úrkomu en einnig lítilli bráðnun jökla. 

Árið 2018 var það gefið út að búið væri að smíða nýtt líkan sem gerir vísindamönnum betur kleift að spá fyrir um hversu hratt jöklar bregðast við loftslagsbreytingum. Líkanið er meðal afraksturs þriggja ára rannsóknarverkefnis sem vísindamenn við Jarðvísindastofnun Háskólans hafa unnið í samstarfi við innlendar og erlendar stofnanir og fyrirtæki. Líkaninu er ætlað til að nýtast m.a. Landsvirkjun við áætlanagerð í raforkuframleiðslu og flóðvörnum. Fjöldi sprenglærðra sérfræðinga komu að verkefninu. 

Árið 2019 spáði Landsvirkjun því að jöklar á Íslandi væru horfnir innan 200 ára. 

Ætli sú spá hafi komið frá nýja spálíkaninu?

Spálíkön eru oft erfið viðureignar, eða eins og einn hópur vísindamanna sem smíðar jöklalíkön játaði:

The often conflicting acceptability scores across the signatures highlights the difficulty and inherent uncertainty in model structure selection.

Enda kemur í ljós að jöklar eru hreint ekkert að bráðna. Landsvirkjun vantar meira vatn. Íslandi vantar meiri hlýju. Minnkandi sólvirkni og náttúrulegar sveiflur í loftslaginu eru að koma öllum líkönunum í uppnám. Þess vegna heita þau líkön. Þau líkjast fortíðinni. En framtíðin er vandasamari.


mbl.is Vatnshæðin óvenjulág
Tilkynna um óviðeigandi tengingu við frétt

« Síðasta færsla | Næsta færsla »

Athugasemdir

1 identicon

Hvenær varð "lítil" að "engin"? Lítil bráðnun þýðir ekki að "Enda kemur í ljós að jöklar eru hreint ekkert að bráðna."  Slakur lesskilningur þinn fær þig oft til að misskilja hlutina og draga rangar ályktanir.

Vagn (IP-tala skráð) 28.6.2021 kl. 13:52

2 Smámynd: Ómar Geirsson

Blessaður Vagn.

Það er ekki oft sem ég fyrirgef þér að láta ekki eins og þú sért heimsk rafeind.

En þegar Geir verkfræðingur reynir ítrekað að toppa vanvirðingu við staðreyndir, og þú, ekki meint af þessum heimi, snýst til varnar, en sannarlega lifandi fólk, annað hvort þegir, eða kóar með forheimskunni.

Þá brýtur stundum nauðsyn afskiptaleysið.

Eftir stendur hin pólitíska trú, sem gleypti skynsemi Geirs á unga aldri, og þú Vagn minn góður, á allt undir forritun sem er úr ranni sömu forheimsku, að þú þroskaðist frá bullinu, en Geir varð fastur í því.

Líklegast gleymdi skapari þinn að setja inn lykkju sem gerði þér kleyft að bulla um loftslagsmál.

Eins og þú sért mistök sem hafi gleymst að eyða.

En njóttu Vagn minn.

Svona er munurinn á rafeind og verkfræðingi sem trúir.

Kveðja að austan.

Ómar Geirsson, 28.6.2021 kl. 17:36

3 Smámynd: Geir Ágústsson

Er búinn að gera dauðaleit að rannsóknum á jöklabreytingum seinustu 1000 ára, gjarnan með 5-10 ára upplausn a útbreiðslu jökla á nýlegri timum. Þið spekingarnir verðið ekki lengi að finna gögn fyrir mig.

Geir Ágústsson, 28.6.2021 kl. 18:38

4 identicon

Stephen Hawking, sálugi, ráðlagði  "loftsagsþverhausum" eitt sinn að skreppa til Venusar. Nú nægir þeim víst að skreppa til vesturhluta Bandaríkjanna eða Kanada.  Stephen Hawking: “Next time you meet a climate denier tell ...https://www.climateaction.org › news › st...

Hörður Þormar (IP-tala skráð) 28.6.2021 kl. 20:31

5 Smámynd: Geir Ágústsson

Hörður,

Ég að varla nokkur sála á Jörðinni afneiti því að loftslagið sé stanslaust og sífellt að breytast. Norrænir menn á Víkingaöld fundu vínber á Nýfundnalandi (Vínlandi) og ræktuðu sauðfé á Grænlandi og gengu þvert yfir það svæði sem við köllum Vatnajökul í dag. Síðan breyttist loftslagið. Það kólnaði. Og svo hlýnaði það og kólnaði. Jökullinn Ok hvarf um miðja 20. öld, snéri aftur og hvarf aftur núna nýlega.

Kannski "afneitun" eigi frekar við þá sem afneita síbreytilegum loftslagsbreytingum, og trúa eingöngu á samfellda, manngerða hlýnun vegna losunar á koltvísýringi í andrúmsloftið (og varla nokkuð annað).

Geir Ágústsson, 28.6.2021 kl. 21:26

6 identicon

Geir.

Ekki veit ég til þess að nokkur einasti maður haldi því fram að loftslagið breytist ekki án aðkomu mannsins. Má t.d. benda á fyrirlestra danska jöklafræðingsins, Jörgen Steffensen, um rannsóknir hans á Grænlandsjökli.

Í athugasemdum mínum hef ég oft bent á þýska stjarneðlisfræðinginn, Harald Lesch, sem fjallað hefur um vísindaleg efni í fjölmörgum fræðsluþáttum, þ.á m. loftslagsmál. Aldrei hef ég orðið þess var að nokkur hafi horft á þessa þætti, en hjakkað í sama fari um efni sem þar er rætt um.  Sjálfsagt fælir þsð frá að þessir þættir eru á þýsku, en þökk sé tölvutækninni, þá er hægt að kalla fram nokkuð skiljanlegan texta á öðrum tungumálum.

Ég bendi hér enn einu sinni á einn af þáttum Haralds Lesch, í þeirri veiku von að einhver ómaki sig til að horfa á hann:                                                       Missverständnisse zum Klimawandel aufgeklärt | Harald Lesch Terra X Lesch & Co Terra X Lesch & Co Verified • 1.5M views 1 year ago                                                      

Hörður Þormar (IP-tala skráð) 28.6.2021 kl. 23:06

7 Smámynd: Ómar Geirsson

Blessaður Geir.

Ef þú hefðir lesið meir en fyrirsögn fréttarinnar þá hefði þú rekið þig á þá skýringu vatnsskortsins sem þeir Landsvirkjunarmenn kalla kalt vor og skort á rigningu, eitthvað sem hefur lítið með að gera hvort jöklar stækka eða rýrna.  Þetta segja þeir hins vegar um jökulbráðnunina; "Við sjá­um á næstu mánuðum hvað áhrif jök­ul­bráðnun­in hef­ur, sem er að fara á fullt í júlí og ág­úst venju­lega. Það er yf­ir­leitt sá tími sem við erum að fá mikla hækk­un inn í lón­in,".

Ekki veit ég af hverju þú ert að lemja hausinn í stein hvað það varðar, og skrýtið finnst mér að þú skulir ekki finna gögn um bráðnun jökla á heimsvísu sem og lokal, hvað þá að þú skulir alltaf keyra með lokuð augun þegar þú rennir eftir vegum Austur Skaftafells sýslu, kannski keyrir þú þá ekki.

En skrýtnast af öllu finnst mér að þú skulir ekki hafa tekið eftir hlýnun jarðar, ferð aldrei út úr húsi þarna úti í Danmörku??

Jörðin að kólna!!!, ha ha.

En Vagn er góður, skemillinn sá arna, það er þegar hann vill svo við hafa.

Allavega, hitabylgjukveðjur að austan, best að njóta á meðan er því stutt er í hina köldu hafgolu sem hefur farið versnandi eftir að Grænlandsjökull fór að renna í sjóinn.

Svei attan, það hefði alveg mátt hlýna svona um 5 gráður, að meðaltali.

En það er víst ekki á allt kosið.

Ómar Geirsson, 29.6.2021 kl. 12:52

8 Smámynd: Jónas Gunnlaugsson

Muna að bankarnir borguðu altaf fyrir "rétta" skýrslu. 

Engin vandi að finna rétta borgaða skýrslu, allir verða að lifa. 

Svo eru aðrir sem lifa á kolefnagreiðslum, fyrst var sagt að allt væri að hitna og voru ártöl nefnd, svo að allir yrðu að borga. 

Svo liðu ártölin og lítið hitnaði og var erfitt að verja peninga plottið. 

Þá var skipt um og sagt veðrabreytingar þær eru alveg skotheldar, alltaf breytist veðrið. 

Þá var hægt að rukka áfram og vera alltaf með sannar með veðrabreytingar. 

Við eigum ekki að nota orð sem ráðast á manninn og ekkert stendur á bak við nema fullyrðingin. 

Ég hef eins og Geir, farið yfir veður töflur frá ýmsum góðum mönnum. 

Ég gæti raðað töflum hér fyrir neðan en læt það vera. 

Við lesum um að framfarirnar hafi verið mestar þegar heitar var, þá þurftu færri að vera að afla matarins, og gátu varið tíma sínum í önnur mikilvæg verkefni sem flýttu þróun og sköpuðu betra mannlíf. 

Ég hugsa eins og Geir, ég hef ekki hugmynd um hvort er að hlýna eða kólna. 

Þegar nasistarnir í Nurnberg voru spurðir hvernig þeir gátu látið fólkið hlíða sér var svarið. 

Við gerðum fólkið hrætt, þá raðaði það sér upp í röð og í dag lætur bólusetja sig með óprófuðu bóluefni, sem er ekki bóluefni, eða borgar kolefnaskatt til bak stjórnsýslunnar. 

Ekkert þýðir að segja einhver niðrandi nöfn við þá sem reyna að hugsa sjálfstætt. 

Sjáum til dæmis peninga prentunar málin, allir vitlausir í að eiga bankann, peninga prentvélina og telja okkur trú um að þeir láni okkur eitthvað. 

Það var ómögulegt að sjá Geir ataðan, án þess að bregða fyrir hann skildi. 

Guð veri með ykkur, og svo var sagt, friður sé með yður.  

Flott setning. 

Fyrirgefðu Geit langlokuna. 

Sá sem getur skýrt mál sitt, þarf ekki að fara í manninn.

Egilsstaðir, 29.06.2021   Jónas Gunnlaugsson

Jónas Gunnlaugsson, 29.6.2021 kl. 21:56

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Innskráning

Ath. Vinsamlegast kveikið á Javascript til að hefja innskráningu.

Hafðu samband