Sjálfkrýndi samfélagssérfræðingurinn

Mánudagur, 28. ágúst 2017

Varúð: Bók eftir hagfræðing um hagfræði!

Spennandi!

Þetta var mín fyrsta hugsun þegar ég las litla frétt um bók þar sem varað er við hagfræði og notkun hennar í opinberri stefnumótun.

Síðan rekst ég á eftirfarandi tilvitnun í höfund: "Annar lærdómur sem ég vil draga af hruninu er að hið opinbera fjárfesti. Þú getur ekki sparað þig út úr kreppu, það verður að halda uppi neyslugetu í hagkerfinu."

Mér fallast hendur. Höfundur bókar sem varar við notkun hagfræði í opinberri stefnumótun er hagfræðingur sem biðlar til yfirvalda um að sökkva sér í skuldir þegar eitthvað bjátar á.

Varúð, bók eftir hagfræðing!

Grípandi titill, góður ásetningur og spennandi viðfangsefni, en kannski bara enn ein hagfræðibókin sem teymir okkur fram af bjargbrúninni.

Þeir sem vilja raunverulega sjá hvað stjórnmál og léleg hagfræði blandast illa saman ættu að lesa Hagfræði í hnotskurn. Sem stendur er hægt að fá hana á aha.is fyrir smápening eða sækja endurgjaldslaust víða á netinu [1|2|3].