Aumingja litla, gula hænan

Á einum stað segir:

Eftir að kvótakerfinu var komið á og aflaheimildir urðu framseljanlegar, stórjókst hagkvæmni í sjávarútvegi. Sífelldar gengisfellingar í þágu sjávarútvegsins hurfu. Samfelldir fréttatímar og fréttaskýringar um „erfiða stöðu sjávarútvegsins“ hurfu eins og skiltið „Afsakið hlé“. Hagkvæmnin varð slík að í stað vandamálanna urðu til ofsjónirnar yfir velgengninni. (Vefþjóðviljinn 18. febrúar 2015)

Ég held að ég bæti ekki neinu við þetta í bili. 

Veiðigjöldum breytt

Athugasemdir

[Helgi Jónsson (IP-tala skráð) 20.2.2015 kl. 08:10]

Og ekki gleyma því heldur hver fórnarkostnaður ríkissjóðs og almennings var þegar reynt var að aðstoða sjávarútvegin hér á árum áður, stanslausar gengisfellingar og fjáraustur ríkissjóðs og gengdarlausar veiðar þar sem engin kvóti var.

Og mér virðist sem að í raun hafi lítið breyst í þessum efnum, sjávarútvegurinn aumkaði sér fyrir hrun, kvartaði yfir alltof háu gengi krónunnar og því kom hrunið eins og himnasending fyrir sjávarútvegsfyrirtækin þar sem gengi krónunnar hrundi um 60%, semsagt enn ein gengisfellingin.

Því finnst mér ekki ósagjarnt að þegar vel gengur í sjávarútveginum,að þá rétti hann þjóðinni hjálparhönd til að gera henni kleyft að koma sér uppúr rústum hrunsins.

[Geir Ágústsson, 20.2.2015 kl. 08:27]

Hvernig getur aukin skattheimta flokkast sem hjálparhönd? Skattfé rennur í ríkissjóð en ekki til þeirra sem vantar atvinnutækifæri utan hins opinbera, eða meira líf í hagkerfið til að stunda viðskipti. 

[Kristján B Kristinsson (IP-tala skráð) 20.2.2015 kl. 11:42]

Sæll Geir, það er annar þáttur en sá efnahagslegi sem hefur breyst verulega síðan kvótakerfið og breyttar áherslur í sjávarútvegi komust á og fáir virðast taka efir, það er að slys á sjó heyra nánast sögunni til.

[Helgi Jónsson (IP-tala skráð) 20.2.2015 kl. 12:17]

Aukin skattheimta minnkar líkurnar á því að ríkissjóður sýni hallarekstur sem yrði þá fjármagnaður með erlendum lánum.

Skuldir ríkisjóðs Íslands eru 1500 miljarðar og við erum að borga um 80-90 miljarða á ári í vexti, það myndi létta undir ef sjávarútvegurinn gæti borgað þau veiðigjöld sem þegar eru samþykkt, þó ekki væri nema í þann tíma sem það myndi taka að borga niður eitthvað af þeim ógnarskuldum sem ríkisjóður skuldar. 

[Geir Ágústsson, 20.2.2015 kl. 15:09]

Kristján,

Athyglisverður punktur! Það er líka dýrt fyrir alvöru fyrirtæki með langtímahagsmuni að eiga við endalaus vinnuslys. Ég sé það alveg.

Helgi,

Mætti benda á að ríkisvaldið gæti hæglega eytt minna en það gerir í dag frekar en að sjúga endalaust meira í hirslur sínur og bera það fyrir sem afsökun fyrir skattahækkunum?